धाराशिव – विधानसभा सार्वत्रिक निवडणुकीच्या पार्श्वभूमीवर धाराशिव जिल्ह्यातील चारही विधानसभा मतदारसंघातील उमेदवारांच्या नामनिर्देशन पत्राची छाननी प्रक्रिया ३० ऑक्टोबर रोजी पार पडली. उमेदवारी अर्ज दाखल करण्याची अंतिम तारीख २९ ऑक्टोबर होती, आणि या शेवटच्या दिवशी जिल्ह्यातील १८५ उमेदवारांनी एकूण २७१ नामनिर्देशनपत्र दाखल केले होते.
छाननी प्रक्रियेत, १६४ उमेदवारांची २२३ नामनिर्देशनपत्र वैध ठरली आहेत, तर ४८ नामनिर्देशनपत्र अवैध ठरवण्यात आली आहेत. धाराशिव जिल्ह्यातील प्रत्येक मतदारसंघात उमेदवारांनी मोठ्या संख्येने नामनिर्देशनपत्र दाखल केली होती. उमरगा मतदारसंघात ३२ उमेदवारांनी ४३, तुळजापूर मतदारसंघात ५४ उमेदवारांनी ८७, उस्मानाबाद मतदारसंघात ५० उमेदवारांनी ७१, आणि परंडा मतदारसंघात ४९ उमेदवारांनी ७० नामनिर्देशनपत्र दाखल केली होती.
प्रत्येक मतदारसंघातील नामनिर्देशनपत्र छाननीचे तपशील पुढीलप्रमाणे आहेत:
- उमरगा मतदारसंघ: एकूण ३२ उमेदवारांच्या ४३ नामनिर्देशनपत्रांपैकी ३४ वैध, तर ९ अवैध ठरले.
- तुळजापूर मतदारसंघ: ५४ उमेदवारांच्या ८७ नामनिर्देशनपत्रांपैकी ७७ वैध, तर १० अवैध ठरले.
- उस्मानाबाद मतदारसंघ: ५० उमेदवारांच्या ७१ नामनिर्देशनपत्रांपैकी ५५ वैध, तर १६ अवैध ठरले.
- परंडा मतदारसंघ: ४९ उमेदवारांच्या ७० नामनिर्देशनपत्रांपैकी ५७ वैध, तर १३ अवैध ठरले.
नामनिर्देशनपत्र मागे घेण्याची अंतिम तारीख ४ नोव्हेंबर आहे. मतदान २० नोव्हेंबर रोजी जिल्ह्यातील १,५२३ मतदान केंद्रांवर होणार आहे.
