धाराशिव – जिल्हा आरोग्य अधिकारी कार्यालयाने बेंबळीचे डॉ. सुधीर झिंगाडे यांना त्यांचा वैद्यकीय व्यवसाय बंद करण्याचे आदेश दिले आहेत. तरीही झिंगाडे हे जिल्हा आरोग्य अधिकारी कार्यालयाच्या आदेशाला केराची टोपली दाखवत आपले क्लिनिक सुरु ठेवल्याने त्यांच्यावर गुन्हा दाखल करण्याची मागणी होत आहे.
डॉ. सुधीर झिंगाडे यांच्याविरुद्ध बेंबळीचे सामाजिक कार्यकर्ते शेहबाज काझी यांनी जिल्हा आरोग्य अधिकाऱ्याकडे सहा महिन्यापूर्वी तक्रार केली होती. पण संबंधित अधिकाऱ्यानी डॉ. सुधीर झिंगाडे यांना पाठीशी घातले होते. याबाबत धाराशिव लाइव्हने बातमी देताच, तालुका आरोग्य अधिकारी धाराशिव यांनी १६ ऑगस्ट २००८ रोजी केलेल्या चौकशीत या त्रुटी आढळून आल्या होत्या.
या त्रुटी पुढीलप्रमाणे:
- बॉम्बे नर्सिंग रजिस्ट्रेशन अॅक्ट नुसार डॉ. शिंगाडे यांची नोंदणी ३१ मार्च २०२१ रोजी संपली होती आणि त्यानंतर त्यांनी पुनर्नोंदणी केलेली नाही.
- त्यांची शैक्षणिक अर्हता DM&S असतानाही त्यांनी प्रिस्क्रिप्शन पॅडवर MMBS, DM&S अशी नोंद केली होती.
- बॉम्बे नर्सिंग रजिस्ट्रेशन अॅक्ट नुसार त्यांना दोन बेडची परवानगी होती, परंतु प्रत्यक्षात त्यांच्याकडे चार बेड आढळून आले.
- त्यांच्या दवाखान्यात बाथरूमची व्यवस्था नव्हती.
या त्रुटींबाबत खुलासा देण्यासाठी डॉ. झिंगाडे यांना २ दिवसांचा अवधी देण्यात आला होता. परंतु त्यांनी कोणताही खुलासा सादर केला नाही. त्यामुळे जिल्हा आरोग्य अधिकाऱ्यांनी त्यांच्याविरुद्ध बॉम्बे नर्सिंग रजिस्ट्रेशन अॅक्टनुसार कारवाई करत त्यांचे नर्सिंग होम आणि वैद्यकीय व्यवसाय बंद करण्याचे आदेश १ ऑक्टोबर रोजी दिले आहेत. परंतु गेले १८ दिवस झाले , डॉ. झिंगाडे यांनी या आदेशाला केराची टोपली दाखवत आपले क्लिनिक सुरु ठेवल्याने त्यांच्यावर गुन्हा दाखल करण्याची मागणी होत आहे.
बेंबळी : तथाकथित डॉ. सुधीर झिंगाडे यांना आरोग्य विभागाची नोटीस
बेंबळीचे तथाकथित डॉ. सुधीर झिंगाडे यांची बोगसगिरी उघडकीस
आरोग्याशी खेळ? धाराशिव आरोग्य यंत्रणेला आव्हान !
तुमचा आवाज आम्ही बनू! धाराशिव लाइव्ह – तुमच्यासाठी!
