बेंबळी : धारूर येथे तरुणाला मारहाण, सहा जणांविरुद्ध गुन्हा दाखल

बेंबळी  : धारूर येथे एका तरुणाला मारहाण केल्याप्रकरणी सहा जणांविरुद्ध गुन्हा दाखल करण्यात आला आहे. तानाजी महादेव कोरे, गणेश उर्फ पप्पु कोरे, महेश नंदकुमार कदम, सुदर्शन दादासाहेब शिंदे, सिचन भाऊसाहेब कोरे आणि साहेबराव जाधव (सर्व रा. धारूर) अशी आरोपींची नावे आहेत.

मंकावती सुधाकर वाघमोडे (वय 40 वर्षे, रा. धारूर) यांनी बेंबळी पोलीस ठाण्यात यासंदर्भात फिर्याद दाखल केली आहे. फिर्यादीनुसार, 11 फेब्रुवारी 2025 रोजी सकाळी 7.30 वाजता धारूर येथे आरोपींनी त्यांच्या मुलाला भैरोबा यात्रेत झालेल्या भांडणाच्या कारणावरून गैरकायद्याची मंडळी जमवून शिवीगाळ केली आणि लाथाबुक्यांनी मारहाण करून जखमी केले.

या मारहाणीत वाघमोडे यांचा मुलगा गंभीर जखमी झाला आहे. त्याच्यावर रुग्णालयात उपचार सुरू आहेत. मंकावती वाघमोडे यांच्या फिर्यादीवरून बेंबळी पोलिसांनी भारतीय दंड संहिता कलम 115 ( 5 ) , 189 ( 2),191 (2 ), 352 अन्वये गुन्हा दाखल केला आहे. पोलिस या प्रकरणाचा अधिक तपास करत आहेत.