धाराशिव : शहरातील शांताई हॉटेलमध्ये एका तरुणाला फोटो काढण्याच्या कारणावरून काही जणांनी बेदम मारहाण केल्याची घटना घडली आहे. या प्रकरणी आनंदनगर पोलीस ठाण्यात गुन्हा दाखल करण्यात आला आहे.
गणेश नंदकुमार शिंदे (वय २५, रा. शिंगोली) असे मारहाण झालेल्या तरुणाचे नाव आहे. खंडू उर्फ ऋतिक वाघमारे, अनिकेत वाघमारे, किशोर वाघमारे, सागर सिरसाठ, बालाजी वाघमारे, सागर शिरसाठ आणि इतर एक इसम अशी मारहाण करणाऱ्या आरोपींची नावे आहेत.
पोलिसांनी दिलेल्या माहितीनुसार, शिंदे हे २८ जानेवारी रोजी सायंकाळी ६ वाजण्याच्या सुमारास शांताई हॉटेलमध्ये होते. त्यावेळी आरोपींनी त्यांना फोटो काढण्यावरून शिवीगाळ केली. त्यानंतर त्यांनी शिंदे यांना लाथाबुक्क्यांनी मारहाण केली. इतकेच नाही तर आरोपींनी दगडानेही शिंदे यांच्यावर हल्ला केला. या हल्ल्यात शिंदे जखमी झाले आहेत. आरोपींनी शिंदे यांना जीवे मारण्याचीही धमकी दिली.
या घटनेची माहिती मिळताच आनंदनगर पोलिसांनी घटनास्थळी धाव घेतली. शिंदे यांच्या फिर्यादीवरून पोलिसांनी सर्व आरोपींविरुद्ध गुन्हा दाखल केला आहे. आरोपींवर भादंवि कलम ११८(१), ११५(२), ३५२, ३५१(२)(३), १८९(२), १९१(२), १९० अन्वये गुन्हा दाखल करण्यात आला आहे. पोलिस आरोपींचा शोध घेत आहेत.
