धाराशिव : भरधाव वेगाने मोटारसायकल चालवत असताना समोर आलेल्या डुक्करला धडक लागून डिव्हाडरवर पडून गंभीर जखमी झाल्याने एका इसमाचा मृत्यू झाल्याची घटना शहरात घडली.
रणजित उत्तमराव भोसले ( वय 60 वर्षे, गावसुद ता. जि. धाराशिव ) हे दि.05.11.2023 रोजी 22.00 वा. सु. गणेश नगर के.के. हॉस्पीटल धाराशिव समोरुन मोटरसायकल क्र एमएच 25 एक्स 0927 ही वर बसून जात होते. दरम्यान रणजित भोसले यांनी त्याचे ताब्यातील मोटरसायकल ही भरधाव वेगात, निष्काळजीपणे चालवुन रोडवर अचानक ब्रेक मारुन डुक्करला धडक लागून डिव्हासडरवर पडून गंभीर जखमी होवून उपचार दरम्यान मयत झाले. अशा मजकुराच्या फिर्यादी- प्रताप उत्तमराव भोसले, वय 55 वर्षे रा. गावसुद ता. जि. धाराशिव यांनी दि.30.11.2023 रोजी दिलेल्या प्रथम खबरेवरुन भा.दं.वि.सं. कलम- 279, 337, 338, 304 (अ) अन्वये गुन्हा नोंदवला आहे.
रहदारीस धोकादायरीत्या वाहन उभे करणाऱ्यावर गुन्हा नोंद
उमरगा : आरोपी नामे-1)बालाजी रघुवीर, वय 44 वर्षे, रा. माने नगर उमरगा ता. जि. धाराशिव यांनी दि.30.11.2023 रोजी 13.45 वा. सु. आपल्या ताब्यातील ऑटो रिक्षा क्र एमएच 25 ई 9168 हा एनएच 65 रोडवर बसस्थानक समोरील बाजूस सार्वजनिक रस्त्यावर रहदारीस धोकादायकरीत्या उभे केलेले असताना उमरगा पोलीसांना मिळून आले. यावरुन पोलीसांनी सरकारतर्फे दिलेल्या प्रथम खबरेवरुन नमूद व्यक्तीविरुध्द भा.द.स. कलम 283 अन्वये उमरगा पो.ठा. येथे गुन्हा नोंदवला आहे.
