धाराशिव पालिका निवडणूक: नगराध्यक्ष पदासाठी २६, नगरसेवक पदासाठी ५६८ नामनिर्देशन अर्ज दाखल

धाराशिव: धाराशिव नगर परिषदेच्या आगामी निवडणुकीसाठी नामनिर्देशन अर्ज भरण्याची प्रक्रिया पूर्ण झाली असून, उमेदवारांकडून मोठा प्रतिसाद मिळाल्याचे चित्र आहे. नगराध्यक्ष पदासाठी एकूण २६ उमेदवारांनी अर्ज दाखल केले आहेत, तर नगरसेवक पदासाठी तब्बल ५६८ नामनिर्देशन अर्ज प्राप्त झाले आहेत.उमेदवारी अर्ज दाखल करण्याचा शेवटचा दिवस १७ नोव्हेंबर २०२५ होता.

नगराध्यक्ष पद: ‘ना.मा.प्र. (महिला)’ राखीव जागेसाठी चुरस

यंदाचे नगराध्यक्ष पद हे ‘नागरिकांचा मागास प्रवर्ग (महिला)’ साठी राखीव आहे.या एका जागेसाठी एकूण ३४ अर्ज दाखल झाल्याने मोठी चुरस पाहायला मिळत आहे. 

विशेष म्हणजे, अनेक प्रमुख उमेदवारांनी खबरदारीचा उपाय म्हणून किंवा राजकीय रणनीतीचा भाग म्हणून एकापेक्षा अधिक अर्ज दाखल केले आहेत.

या पदासाठी भारतीय जनता पार्टी,⁶शिवसेना (U.B.T), इंडियन नॅशनल काँग्रेस, NCP (शरद पवार), AIMIM, वंचित बहुजन आघाडी, शिवसेना, आणि NCP या प्रमुख पक्षांसह अनेक अपक्ष उमेदवारांनी अर्ज भरल्याने लढत बहुरंगी होणार हे स्पष्ट झाले आहे.

नगरसेवक पदे: ५६८ अर्जांचा पाऊस

नगरसेवक पदांसाठीही उमेदवारांनी मोठ्या प्रमाणात अर्ज दाखल केले असून, एकूण अर्जांची संख्या ५६८ वर पोहोचली आहे.  येथेही अनेक उमेदवारांनी एकाच जागेसाठी विविध पक्षांकडून आणि अपक्ष म्हणून अर्ज भरले आहेत.

शिवसेना (उध्दव बाळासाहेब ठाकरे) व भारतीय राष्ट्रीय कॉग्रेस पक्षातर्फे धाराशिव नगर परिषद सार्वत्रिक निवडणुक 2025 साठी प्रभाग, आरक्षण व उमेदवार निहाय अधिकृत उमेदवाराचे AB फॉर्म आज रोजी दाखल करण्यात आले आहे.  थेट नगराध्यक्ष पदासाठी संगिता सोमनाथ गुरव  यांचा अर्ज दाखल करण्यात आला. तर प्रभागनिहाय उमेदवार खालील प्रमाणे देण्यात आले आहेत.

.