मुंबई: ज्येष्ठ दिग्दर्शक नागेश दरक (८०) यांचे काल रात्री अंधेरी येथील त्यांच्या निवासस्थानी हृदयविकाराच्या झटक्याने निधन झाले. त्यांच्या पश्चात पत्नी, दोन मुली, एक मुलगा आणि स्नेही परिवाराचा मोठा गोतावळा आहे.
मूळचे लातूरचे असलेल्या दरक यांनी आपल्या कारकिर्दीची सुरुवात कमलाकर तोरणे यांच्या सहाय्यक दिग्दर्शक म्हणून केली. त्यानंतर त्यांनी मनमोहन देसाई यांच्यासोबत ‘प्रयागराज’, ‘अमर अकबर अँथोनी’, ‘कुली’, ‘मर्द’ अशा अनेक गाजलेल्या चित्रपटांसाठी काम केले. ‘हळद रुसली कुंकू हसलं’, ‘कुंकू झालं वैरी’, ‘मराठा बटालीयन’ आदी चित्रपटांचे त्यांनी स्वतंत्रपणे दिग्दर्शन केले.
याखेरीज ओटी खणा-नारळाची’, वर्षा उसगावकर अभिनीत ‘मुंबईचा नवरा’ आदी चित्रपटांचे दिग्दर्शनही नागेश यांनी केले. चित्रभाषेची उत्तम जाण असलेला दिग्दर्शक आणि सिनेमा जगलेला माणूस अशा शब्दांत लेखक प्रताप गंगावणे यांनी नागेश दरक यांच्या विषयीच्या व्यक्त केल्या आहेत. त्यांचे दिग्दर्शन खूप चांगले होते. कागदावरील कथा चित्रपटरूपात यशस्वीपणे पडद्यावर सादर करण्याची कला नागेश यांच्या अंगी होती.
चित्रभाषेची उत्तम जाण असलेले आणि सिनेमा जगलेले व्यक्तिमत्त्व अशा शब्दांत लेखक प्रताप गंगावणे यांनी दरक यांना श्रद्धांजली वाहिली आहे. त्यांच्या दिग्दर्शनातील बारकावे आणि कथा पडद्यावर सादर करण्याची हातोटी नेहमीच कौतुकास्पद होती.दरक यांच्या जाण्याने भारतीय चित्रपटसृष्टीने एक अनुभवी आणि संवेदनशील दिग्दर्शक गमावला आहे.
