नमस्कार वाचकहो! धाराशिवच्या राजकीय नाटकात आजचा भाग अत्यंत महत्त्वाचा आहे, कारण विषय आपल्या बळीराजाच्या, म्हणजेच शेतकऱ्यांच्या हक्काच्या ‘पीक विम्याचा’ आहे. नुकतीच वर्तमानपत्रात एक मोठी बातमी छापून आली आहे, ज्यामध्ये केंद्रीय तांत्रिक सल्लागार समितीने राज्य सरकारचा निर्णय कायम ठेवत विमा कंपनीचे अपील फेटाळले आहे. या निर्णयामुळे पुढील सात दिवसांत ३३७ कोटी रुपयांची विमा रक्कम शेतकऱ्यांच्या खात्यात जमा होणार असल्याची माहिती फेसबुक पिंट्या यांनी मोठ्या अभिमानाने दिली आहे.
पण या सगळ्या बातम्यांच्या धुराळ्यातून एक खरा प्रश्न समोर येतो: यात फेसबुक पिंट्या साहेबांचे स्वतःचे योगदान काय? चला तर मग, या ‘चमकोगिरीच्या’ राजकारणाचा पर्दाफाश करूया!
१. शेतकरी राबतो, अन् साहेब फक्त चमकोगिरी करतात!
पीक विम्याचा हप्ता स्वतः शेतकरी भरतो. जेव्हा विमा कंपनी पैसे नाकारते, तेव्हा शेतकरी संघटना, कृषी विभाग आणि लोकप्रतिनिधींच्या पाठपुराव्यामुळे खरीप २०२५ मधील पीकविमा संघर्षाला यश मिळाले आहे. ऊन-पावसाची तमा न बाळगता शेतकरी रस्त्यावर उतरून संघर्ष करतो. आणि जेव्हा निकाल शेतकऱ्यांच्या बाजूने लागतो, तेव्हा आयत्या बिळावर नागोबा बनून ‘फेसबुक पिंट्या’ साहेब सर्वात पुढे येऊन श्रेय लाटण्याची आणि ‘चमकोगिरी’ करण्याची एकही संधी सोडत नाहीत.
२. सत्तेत असूनही धाराशिववर अन्याय का?
महाराष्ट्रातील अन्य अनेक जिल्ह्यांना सन २०२५ चा पीक विमा कधीच मिळाला आहे. पण आपल्या दुष्काळी धाराशिव जिल्ह्याला मात्र २०२६ साल उजाडले, तरी विम्याचे पैसे मिळाले नव्हते. साहेब स्वतः सत्तेत आहेत, त्यांचे ‘नागपूरकर सरदार’ आणि ‘दाढीवाले साहेब’ यांच्याशी अत्यंत जवळचे संबंध असल्याच्या ते गप्पा मारतात. मग सत्तेत असूनही धाराशिवच्या शेतकऱ्यांना विम्यासाठी २०२६ पर्यंत का ताटकळत राहावे लागले? सत्तेत असताना साहेब एवढे महिने काहीच करू शकले नाहीत, आणि आता निर्णय आल्यावर मात्र स्वतःची पाठ थोपटून घेत आहेत!
३. वगळलेल्या १४ महसूल मंडळांचे काय साहेब?
वर्तमानपत्रातील बातमीत ३३७ कोटी रुपये मिळतील असा डंका पिटला जात आहे. पण साहेब हे सोयीस्कररीत्या विसरले आहेत की, सन २०२५ च्या पीक विम्यात जिल्ह्यातील १४ महसूल मंडळांना वगळण्यात आले आहे!
-
या वगळलेल्या १४ मंडळांतील शेतकऱ्यांनी विमा भरला नव्हता का?
-
त्यांना पीक विमा मिळणार की नाही?
-
की तिथेही साहेबांचा तो ‘सॉफ्टवेअर’ मधलाच विकास चालणार आहे?
या प्रश्नांवर साहेब आणि त्यांचे चमचे मूग गिळून गप्प आहेत!
४. ‘दिव्य पत्रकारांचे’ वार्षिक पॅकेज आणि खोटा गाजावाजा
पीक कापणी प्रयोगांमध्ये अनियमितता झाल्याचा दावा करत विमा कंपनीने राज्य समितीच्या निर्णयाविरुद्ध केंद्राकडे अपील केले होते. सुनावणीदरम्यान कंपनीला आरोपांच्या समर्थनार्थ कोणतेही ठोस पुरावे सादर करता आले नाहीत, त्यामुळे समितीने शेतकऱ्यांच्या बाजूने निकाल दिला. हा विजय बळीराजाचा आणि त्यांच्या सत्याचा आहे.
पण फेसबुक पिंट्या साहेबांनी आपल्या पेरोलवर (Payroll) असलेल्या ‘दिव्य पत्रकारांना’ वार्षिक पॅकेज देऊन, या विजयाचे संपूर्ण श्रेय स्वतःच्याच खिशात घालणाऱ्या सोयीस्कर बातम्या छापून आणल्या आहेत. स्वतःचा फोटो मोठा लावून, “मीच कसा विमा मिळवून दिला” असा भास निर्माण करण्याचे काम हे पाकीटमार पत्रकार इमानेइतबारे करत आहेत.
तात्पर्य:
फेसबुक पिंट्या साहेब आणि त्यांच्या दिव्य पत्रकारांनो, तुम्ही कितीही खोट्या बातम्या छापून आणल्या आणि फुकटचे श्रेय लाटण्याचा प्रयत्न केला, तरी धाराशिवचा शेतकरी आता शहाणा झाला आहे. त्याला माहित आहे की हा पैसा त्याच्या घामाचा आणि संघर्षाचा आहे, तुमच्या पोकळ घोषणांचा नाही!
कारण विसरू नका… “यह पब्लिक है, सब जाणती है!”
