धाराशिव : धाराशिव येथे एका भीषण मोटरसायकल अपघातात सुरेश हरिदास शिंदे यांचा दुर्दैवी मृत्यू झाला. ही घटना ७ सप्टेंबर २०२४ रोजी सायंकाळी ६:३० वाजता घडली. सुरेश शिंदे हे राष्ट्रीय महामार्ग क्रमांक ५२ वरील झंकार हॉटेलजवळ पायी चालत असताना दिपक मच्छींद्र भिसे यांच्या ताब्यातील मोटरसायकलने त्यांना धडक दिली. या अपघातात गंभीर जखमी झालेल्या शिंदे यांचा जागीच मृत्यू झाला.
याप्रकरणी मयताच्या पत्नी मनिषा सुरेश शिंदे यांच्या फिर्यादीवरून धाराशिव शहर पोलीस ठाण्यात दिपक भिसे यांच्याविरुद्ध गुन्हा दाखल करण्यात आला आहे. भिसे यांच्यावर भारतीय दंड संहितेच्या कलम २८१ आणि १०६(१) अंतर्गत आरोप लावण्यात आले आहेत.
