तुळजापूर – सिंदफळ येथे चेतन शिवाजी जाधव (वय ३९) यांनी रविवारी आत्महत्या केली. आर्थिक व्यवहारातून उसणे घेतलेले पैसे परत न मिळाल्याने त्यांनी हे टोकाचे पाऊल उचलल्याचा आरोप त्यांच्या पत्नीने केला आहे. या प्रकरणी पुण्यातील कोंडवा येथील व्यंकट बाळासाहेब सुर्यवंशी, त्यांची पत्नी, मुलगा आणि पुतण्या यांच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, चेतन जाधव यांनी सुर्यवंशी कुटुंबियांना उसणे पैसे दिले होते. मात्र, हे पैसे परत मागितल्यावर सुर्यवंशी कुटुंबीय टाळाटाळ करू लागले. यामुळे चेतन जाधव मानसिक तणावाखाली होते. अखेर रविवारी त्यांनी गळफास घेऊन आत्महत्या केली.
या प्रकरणी चेतन जाधव यांच्या पत्नी सुमित्रा यांनी दिलेल्या तक्रारीवरून पोलिसांनी बुधवारी गुन्हा दाखल केला. या प्रकरणाचा पुढील तपास सुरू आहे.
