कळंब येथील ज्ञानराधा मल्टीस्टेट को-ऑप क्रेडिट सोसायटी विरोधात फसवणुकीचा गुन्हा दाखल

कळंब पोलीस ठाण्यात ज्ञानराधा मल्टीस्टेट को-ऑप क्रेडिट सोसायटीच्या शाखाधिकारी, संचालक आणि कर्मचाऱ्यांविरुद्ध फसवणुकीचा गुन्हा दाखल करण्यात आला आहे. भागवत लांडगे यांनी दिलेल्या फिर्यादीनुसार, सोसायटीने त्यांना आणि इतर ठेवीदारांना आकर्षक व्याजाचे आमिष दाखवून 61,32,863 रुपयांची मुद्दल रक्कम आणि त्यावरील व्याज परत केले नाही.

जून 2023 ते 30 जून 2024 या कालावधीत सोसायटीने हा कथित अपहार केल्याचा आरोप आहे. या प्रकरणी सोसायटीच्या शाखाधिकारी बापुराव माने, चेअरमन सुरेश कुटे, व्हाईस चेअरमन यशवंत कुलकर्णी यांच्यासह 15 संचालक आणि सर्व कर्मचाऱ्यांना आरोपी करण्यात आले आहे.

पोलिसांनी भारतीय दंड संहिता कलम 420, 409, 406, 120(ब) सह कलम 3,4 महाराष्ट्र ठेवीदाराच्या वित्तीय संस्था मधील हित संबंधाचे संरक्षण अधिनियम 1999 अन्वये गुन्हा नोंदवला आहे.