वाशी: तालुक्यातील कडकनाथवाडी येथे गावठाण जमिनीच्या ताब्याच्या कारणावरून दोन गटात वाद होऊन एका महिलेला व तिच्या पतीला काठी व दगडाने बेदम मारहाण करण्यात आली. ही घटना १ डिसेंबर रोजी सकाळी ११ वाजता घडली. याप्रकरणी येरमाळा पोलीस ठाण्यात ७ जणांविरुद्ध गुन्हा दाखल करण्यात आला आहे.
फिर्यादी पुष्पा भगवान येलकर (वय ४०, रा. कडकनाथवाडी, ता. वाशी) यांनी दिलेल्या फिर्यादीनुसार, त्या १ डिसेंबर रोजी गावठाण जमिनीवर असताना आरोपींनी गैरकायद्याची मंडळी जमवून त्यांच्याशी वाद घातला. यावेळी आरोपींनी शिवीगाळ करत फिर्यादीस लाथाबुक्यांनी, काठीने आणि दगडाने मारहाण करून जखमी केले.
दरम्यान, भांडण सोडवण्यासाठी फिर्यादीचे पती मध्ये आले असता, आरोपींनी त्यांनाही शिवीगाळ करून मारहाण केली आणि जिवे मारण्याची धमकी दिली.
याप्रकरणी फिर्यादी पुष्पा येलकर यांनी ३ डिसेंबर रोजी दिलेल्या तक्रारीवरून येरमाळा पोलीस ठाण्यात खालील आरोपींविरुद्ध गुन्हा दाखल करण्यात आला आहे:
गुन्हा दाखल झालेले आरोपी: १. बिभीषण शेकाबा ढोणे २. शशिकला बिभीषण ढोणे ३. उषा बाळू येलकर ४. बाळु सोपान येलकर ५. निवृत्ती बाळु येलकर ६. गणेश मिठ्ठु ढोणे ७. अमोल बिभिषण ढोणे (सर्व रा. कडकनाथवाडी, ता. वाशी) या सर्वांवर भारतीय न्याय संहिता (BNS) कलम ११८(१), ११५(२), ३५२, ३५१(२)(३), १८९(२), १९१(२)(३), १९० अन्वये गुन्हा नोंदवण्यात आला असून पोलीस पुढील तपास करत आहेत.
