कळंब – सामुहिक शेततळ्याचे अंदाजपत्रक / प्रस्ताव तयार करून तो प्रस्ताव अपलोड करून अनुदान मंजुरीस पाठवून देण्यासाठी २० हजार रुपयाची लाच घेताना कळंबच्या तालुका कृषी अधिकाऱ्यास एसीबी पथकाने सापळा रचून रंगेहात पकडले आहे. संतोष बाबुराव हूरगट ( वय 50 वर्षे ) असे या लाचखोर कृषी अधिकाऱ्याचे नाव आहे.
यातील तक्रारदार शेतकरी ( वय 22 वर्षे ) यांना एकात्मिक फलोत्पादन विकास अभियान अंतर्गत मंजूर असलेल्या सामुहिक शेततळ्याचे अंदाजपत्रक / प्रस्ताव तयार करून तो प्रस्ताव अपलोड करून अनुदान मंजुरीस पाठवून देण्यासाठी यातील आलोसे संतोष बाबुराव हुरगट , वय 50 वर्षे, कृषी अधिकारी, तालुका कृषी अधिकारी कार्यालय, कळंब यांनी पंचांसमक्ष तक्रारदार यांच्याकडे 20,000/- रुपये लाचेची मागणी करून 20,000/- रुपये लाच रक्कम पंचांसमक्ष स्विकारल्याने सदर आरोपी लोकसेवक यांना ताब्यात घेतले असुन पोलीस स्टेशन कळंब , ज़िल्हा धाराशिव येथे गुन्हा दाखल करण्याची प्रक्रिया चालु आहे.
हा सापळा पोलीस उप अधीक्षकसिद्धाराम म्हेत्रे यांच्या मार्गदर्शनाखाली पोलीस निरीक्षक नानासाहेब कदम , पोलीस अमलदार सचिन शेवाळे , सिद्धेश्वर तावसकर, अविनाश आचार्य, चालक दत्तात्रय करंडे यांनी रचला होता.
लोकसेवक अथवा त्यांच्या वतीने कोणी खाजगी व्यक्ती कायदेशीर काम करून देण्यासाठी लाचेची मागणी करत असेल तर खालील नंबरवर संपर्क साधावा – कार्यालय 02472 222879टोल फ्री क्रमांक.1064 असे आवाहन करण्यात आले आहे.
