नाझ हॉटेलमागे हायप्रोफाईल जुगार अड्ड्याचा पर्दाफाश, ११ जुगारी जेरबंद 

धाराशिव: धाराशिव शहर पोलीस ठाण्याच्या हद्दीत पाचड चौक परिसरातील नाझ हॉटेलच्या पाठीमागे सुरू असलेल्या एका मोठ्या जुगार अड्ड्यावर स्थानिक गुन्हे शाखेच्या (LCB) पथकाने मध्यरात्री दीड वाजता धडक छापा टाकला. या कारवाईत पोलिसांनी तब्बल ११ जुगाऱ्यांना रंगेहात अटक केली असून, त्यांच्याकडून रोख रक्कम, गाड्या आणि मोबाईल असा एकूण ३ लाख ३४ हजार २० रुपयांचा मुद्देमाल जप्त केला आहे. अटक करण्यात आलेल्यांमध्ये एका ७० वर्षीय वृद्धाचाही समावेश आहे.

वडारवाडा कमानीच्या आत मोकळ्या मैदानात मांडला होता डाव

२५ जून २०२६ रोजी मध्यरात्री १:३० वाजण्याच्या सुमारास पाचड चौकातील नाझ हॉटेलसमोरील वडारवाडा कमानीच्या आत, विजय मुद्दे यांच्या घरासमोरील मोकळ्या पटांगणात लाईटच्या उजेडात काही जण गोल रिंगण करून ‘तिरट’ नावाचा पत्त्यांचा जुगार खेळत आणि खेळवत असल्याची पक्की माहिती एलसीबीला मिळाली होती.

स्थानिक गुन्हे शाखेचे सहाय्यक पोलीस निरीक्षक अमोल सुभाष मोरे यांच्या नेतृत्वाखालील पथकाने मध्यरात्रीच्या सुमारास या ठिकाणी वेढा घालून अचानक छापा टाकला. पोलिसांना पाहताच जुगाराच्या अड्ड्यावर एकच पळापळ झाली, मात्र पोलिसांनी घेराव घालून ११ जणांना जागीच दपकले.

७० वर्षीय वृद्धासह ‘हे’ ११ जुगारी ताब्यात:

पोलिसांनी अटक केलेल्या आरोपींची नावे खालीलप्रमाणे आहेत:

१) अकलाक अबोला शेख (वय ६०, रा. तालीम गल्ली, धाराशिव)

२) प्रभाकर रामचंद्र साळुंखे (वय ५१, रा. सारोळा, धाराशिव)

३) बाबु ठाकर राठोड (वय ६२, रा. उंबरे कोठा, धाराशिव)

४) करण विठ्ठल वाघमारे (वय ५२, रा. भिमनगर, धाराशिव)

५) प्रशांत रामलिंग स्वामी (वय ४६, रा. सारोळा बु., धाराशिव)

६) शाहेद सलाऊद्दीन शेख (वय ३५, रा. तालीम चौक, धाराशिव)

७) शेखर संदीपान शिंदे (वय ३१, रा. बार्शी नाका, धाराशिव)

८) समद मुस्ताफा शेख (वय ४३, रा. खाजानगर, धाराशिव)

९) राजू चंद्रकांत मुद्दे (वय ३४, रा. पाचड चौक, धाराशिव)

१०) सागर हरिभाऊ बाकले (वय ३३, रा. सारोळा, धाराशिव)

११) विजय मुकींदा मुद्दे (वय ७०, रा. पाचड चौक, धाराशिव)

३.३४ लाखांच्या मुद्देमालामध्ये काय-काय जप्त?

पोलिसांनी जुगाराच्या डावावरून आणि आरोपींच्या अंगझडतीतून खालील मुद्देमाल पंचनाम्यासह जप्त केला:

• रोख रक्कम आणि पत्ते: जुगाराच्या डावावरील रोख आणि आरोपींजवळील रोकड मिळून हजारो रुपयांच्या नोटा आणि पत्त्यांचे कॅट.

• मोबाईल फोन्स: ओप्पो, रेडमी आणि विवो कंपनीचे एकूण ८ जुने वापरते मोबाईल (किंमत अंदाजे ९१,००० रुपये).

• वाहने: प्रभाकर साळुंखे याची १ लाख रुपयांची बजाज चेतक इलेक्ट्रिक स्कूटी (MH 25 BE 6877), प्रशांत स्वामी याची ७० हजारांची अ‍ॅक्टिव्हा (MH 24 BF 8492) आणि राजू मुद्दे याची ४० हजारांची बजाज डिस्कव्हर मोटरसायकल (MH 13 AV 1189).

• एकूण जप्त मुद्देमाल: ३,३४,०२० रुपये

धाराशिव शहर पोलिसांत गुन्हा दाखल

या धडक कारवाईनंतर एलसीबीचे सपोनि अमोल मोरे यांनी २५ जून रोजी पहाटे ३:३३ वाजता धाराशिव शहर पोलीस ठाण्यात रीतसर फिर्याद दिली. शहर पोलीस ठाण्याचे प्रभारी अधिकारी पोनि दराडे यांच्या आदेशानुसार, आरोपींवर महाराष्ट्र जुगार कायदा कलम १२ (अ) अन्वये गुन्हा नोंदणी क्रमांक ३०३/२०२६ नुसार गुन्हा दाखल करण्यात आला आहे. मपोना उंदरे यांनी गुन्ह्याची नोंद केली असून, पुढील तपास एएसआय (ASI) कऱ्हाळे करत आहेत.