तामलवाडी: तुळजापूर तालुक्यातील मसला खुर्द येथे शेतीच्या वादातून एका ३० वर्षीय तरुणाला कुऱ्हाडी, कुदळ व काठीने मारहाण करून गंभीर जखमी करण्यात आल्याची घटना १६ डिसेंबर रोजी घडली. याप्रकरणी तामलवाडी पोलीस ठाण्यात पाच जणांविरुद्ध गुन्हा दाखल करण्यात आला आहे.
विश्वनाथ ज्योती पाटील (वय ३०, रा. मसला खुर्द) असे जखमी तरुणाचे नाव आहे. राजेंद्र शामराव पाटील (वय ४९), सुहास उर्फ बाळू भगवान टोले (वय ३०), सविता भगवान टोले (वय ४०), राजेंद्र पाटील (वय ३२) आणि दोन अनोळखी इसम अशी गुन्हा दाखल झालेल्यांची नावे आहेत. सर्व आरोपी हे तुळजापूर तालुक्यातील रहिवासी आहेत.
पोलिसांनी दिलेल्या माहितीनुसार, आरोपींनी १६ डिसेंबर रोजी दुपारी १२.३० वाजता शेतीच्या वादातून विश्वनाथ पाटील यांना शिवीगाळ करून लाथाबुक्यांनी मारहाण केली. तसेच लोखंडी कुऱ्हाडीचा तुंबा, कुदळीचा तुंबा व काठीने मारहाण करून गंभीर जखमी केले. यावेळी आरोपींनी विश्वनाथ यांच्या नातेवाईकांनाही शिवीगाळ करून मारहाण केली आणि जीवे मारण्याची धमकी दिली.
याप्रकरणी विश्वनाथ पाटील यांनी दिलेल्या फिर्यादीवरून तामलवाडी पोलीस ठाण्यात राजेंद्र शामराव पाटील, सुहास उर्फ बाळू भगवान टोले, सविता भगवान टोले, राजेंद्र पाटील आणि दोन अनोळखी इसमांविरुद्ध भादंवि कलम ११८(२), ११५(२), ३५२, ३५१(२) (३), १८९(२), १९१(२), १९० अन्वये गुन्हा दाखल करण्यात आला आहे. पुढील तपास पोलीस करत आहेत.
