कळंब/शिराढोण: रस्त्याच्या जुन्या वादातून शिवीगाळ करत एका ५५ वर्षीय व्यक्तीला लाथाबुक्क्यांनी आणि काठीने मारहाण केल्याची घटना कळंब तालुक्यातील खामसवाडी येथे घडली आहे. या प्रकरणी शिराढोण पोलीस ठाण्यात एकाविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, खामसवाडी (ता. कळंब) येथील छत्रपती संभाजीराजे चौक व डॉ. बाबासाहेब आंबेडकर पतसंस्थेसमोर दि. १ डिसेंबर २०२५ रोजी सकाळी ११ वाजण्याच्या सुमारास ही घटना घडली. फिर्यादी मनोज रावसाहेब गर्जे (वय ५५, रा. खामसवाडी) हे चौकात असताना आरोपी दिगंबर पुंडलिक गर्जे (रा. खामसवाडी) याने त्यांना गाठले.
रस्त्याच्या कारणावरून आरोपीने मनोज गर्जे यांच्याशी वाद घालत शिवीगाळ केली. त्यानंतर त्यांना लाथाबुक्क्यांनी आणि काठीने मारहाण करून जखमी केले. तसेच यावेळी त्यांना जीवे ठार मारण्याची धमकी दिली.
या प्रकरणी जखमी मनोज गर्जे यांनी २ डिसेंबर रोजी दिलेल्या फिर्यादीवरून शिराढोण पोलीस ठाण्यात आरोपी दिगंबर गर्जे याच्याविरुद्ध भारतीय न्याय संहिता (BNS) कलम ११८(१), ११५(२), ३५२, ३५१(२) अन्वये गुन्हा नोंदवण्यात आला आहे. पुढील तपास पोलीस करत आहेत.
