धाराशिव – क्रेनचे वाहन चालकाकडून फोन पे वरून पाच हजार लाच स्वीकारली म्हणून तुळजापुर शहर महावितरण कार्यालयातील वरिष्ठ तंत्रज्ञ आणि एका खासगी इसमांविरुद्ध तुळजापूर पोलीस स्टेशनमध्ये गुन्हा दाखल करण्यात आला आहे.
1)नितीन किसन शितापे, वय-40 वर्षे, धंदा-नोकरी, पद-वरिष्ठ तंत्रज्ञ तुळजापुर शहर महावितरण शाखा, जिल्हा-धाराशीव. रा. तुळजाई नगर, तुळजापुर खुर्द रोड, तुळजापुर, जिल्हा धाराशीव.( वर्ग-3). 2) किशोर वसंत हंगरगेकर, वय-60 वर्षे, धंदा-शेती, रा. हंगरगा(तुळ) तालुका-तुळजापुर, जिल्हा-धाराशीव. (खाजगी इसम) अशी या लाचखोरांची नावे आहेत.
यातील तक्रारदार ( पुरुष, वय 33 वर्षे ) हे पीएचएल कंपनीचे साईट सुपरवायझर असुन तक्रारदार यांचे क्रेनचे वाहन चालकाकडुन महावितरणचे हंगरगा येथील ०३ इलेक्ट्रीक पोल व वायर तुटुन नुकसान झाले होते. त्याबाबत तक्रारदार यांचेवर कारवाई न करण्याकरीता तसेच रात्रीचे वेळेस सदरची तुटलेली लाईन जोडून दिली म्हणुन यातील आरोपी यांनी तक्रारदार यांच्याकडे पंचांसमक्ष 10,000/- रुपये लाचेची मागणी करून तडजोडीअंती 5000/- रु. लाच रक्कम स्विकारण्याचे मान्य करुन आरोपी क्रमांक ०२ याने फोन पे द्वारे 5000/- लाच रक्कम स्वीकारली असता दोन्ही आरोपी यांना ताब्यात घेण्यात आले असुन पोलीस
एसीबीचे पोलीस निरीक्षक नानासाहेब कदम आणि पोलीस अमलदार सचिन शेवाळे, सिध्देश्वर तावसकर यांनी सापळा रचून हा गुन्हा दाखल केला आहे.
लोकसेवक अथवा त्यांच्या वतीने कोणी खाजगी व्यक्ती कायदेशीर काम करून देण्यासाठी लाचेची मागणी करत असेल तर खालील नंबरवर संपर्क साधावा*
*कार्यालय 02472 222879* टोल फ्री क्रमांक.1064 असे आवाहन करण्यात आले आहे.
