(तुळजापूर भवानी मंदिरासमोर छोटा पुढारी लोकांची प्रतिक्रिया घेतोय)
छोटा पुढारी: नमस्कार, मी छोटा पुढारी! आपण तुळजापूर मतदारसंघात आहोत आणि समोरचं रणांगण खूप गरम झालंय. इथं जो-तो इच्छूक दिसतोय. चला, पाहुयात गावकऱ्यांचं मत काय आहे. पक्या, काय म्हणतोस या निवडणुकीबद्दल?
पक्या: (थोडा विचार करून) अहो, निवडणूक म्हणजे आमच्यासाठी तुळजाभवानीची यात्रा! आता पुन्हा आमदार बदलला की मग यावेळेस धोतर घालणारा की पॅन्ट घालणारा जिंकेल, हा प्रश्न आहे!
छोटा पुढारी: (हसत) हा प्रश्न काही नवीन नाही. गेल्या वेळेस पॅन्टवाले जिंकले, यावेळेस काय होईल, विचार करतोस?
म्हाद्या: अहो, हा जिकडे पाहावं तिकडे फक्त इच्छुकच दिसतायत. धीरज पाटील, जगदाळे, गोरे… सगळ्यांना मतं पाहिजेत. पण आमच्या कृष्णा-मराठवाडा प्रकल्पाचं काय? ते कधी होणार?
छोटा पुढारी: (जरा गंभीर होत) हो, हो. तुमचे मुद्दे खरंच महत्त्वाचे आहेत. संत्या, तु काय म्हणतोस?
संत्या: (खांदे उडवत) आम्हाला काही नवं सांगायचं नाही! तीर्थक्षेत्र विकासाचं काय झालं? मंदिराला भेट द्यायला येणाऱ्यांच्या गाड्यांना जागा नाही आणि विकास कुठेच नाही!
छोटा पुढारी: (समर्थनार्थ मान हलवत) बरोबर, बरोबर. भावड्या, तु कोणाच्या बाजूने?
भावड्या: (गोंधळात) अहो, हे राणा जगजितसिंह भाजपवाले ना… गेल्या वेळेस त्यांनी नक्कीच काहीतरी केलं म्हणताय, पण आता काँग्रेसचे चव्हाण साहेब परत येणार असं सांगतात. आता दोघात कुणाला निवडायचं तेच समजत नाही!
छोटा पुढारी: (उत्सुकतेने) म्हणजे, चव्हाण साहेबांची हवा आहे का अजून?
संज्या: (हसत) अहो, चव्हाण साहेब आता ९० वर्षांचे आहेत. त्यांच्या धाकट्यांना बघायला हवं. आता फक्त इच्छा आहे, काम करायचं बळ कमी!
छोटा पुढारी: (थोडं हसत) असं दिसतंय की तुळजापूरच्या मतदारांना अजून निर्णय घ्यायचाय. कदाचित हवं असलेलं नेतृत्व मिळेपर्यंत आमची यात्रा तशीच सुरू राहणार! धन्यवाद, मंडळी!
(सर्व हसतात)
छोटा पुढारी: चला तर मग, ह्या महाविकास आघाडी, भाजप, आणि इच्छुकांची ही निवडणूक रंगत आली आहे. पाहुयात तुळजापूरची भवितव्यता कोण ठरवणार? मी छोटा पुढारी, तुम्हाला अपडेट ठेवत राहीन.
