येरमाळा : महाराष्ट्रातील लाखो भाविकांचे श्रद्धास्थान असलेल्या कळंब तालुक्यातील मौजे येरमाळा येथील श्री येडेश्वरी देवीची चैत्री पौर्णिमा यात्रा ३० मार्च ते ७ एप्रिल २०२६ या कालावधीत साजरी होत आहे. या यात्रेनिमित्त होणारी भाविकांची अलोट गर्दी आणि ‘चुनखडी वेचणे’ कार्यक्रमानंतर होणारी संभाव्य वाहतूक कोंडी टाळण्यासाठी, जिल्हा प्रशासनाने येरमाळाकडे येणाऱ्या अवजड वाहनांच्या (Heavy Vehicles) वाहतूक मार्गात महत्त्वाचे बदल केले आहेत.
२ आणि ३ एप्रिल रोजी पालखी मिरवणूक आणि चुनखडी वेचण्याच्या मुख्य कार्यक्रमासाठी राज्याच्या कानाकोपऱ्यातून लाखो भाविक विविध वाहनांनी दाखल होतात. कार्यक्रम संपल्यानंतर भाविक एकाच वेळी परतीच्या प्रवासाला लागतात. यावेळी भाविकांच्या सुरक्षिततेचा प्रश्न निर्माण होऊ नये तसेच कोणताही अपघात घडू नये, यासाठी जिल्हादंडाधिकारी कीर्ती किरण पुजार आणि पोलीस अधीक्षक रितू खोखर यांनी महाराष्ट्र पोलीस अधिनियम १९५१ च्या कलम ३३ (१) (ब) अन्वये हे वाहतूक बदलाचे आदेश जारी केले आहेत.
वाहतूक बदलाची वेळ आणि सवलती:
-
कालावधी: दिनांक २ एप्रिल २०२६ रोजी मध्यरात्री ००:०१ वाजेपासून ते ३ एप्रिल २०२६ रोजी रात्री १२:०० (२४:००) वाजेपर्यंत.
-
सवलत: हे निर्बंध पोलीस, रुग्णवाहिका, अग्निशमन दल, अत्यावश्यक सेवेतील वाहने, हलकी वाहने (Light Vehicles) आणि एस.टी. बसेस यांना लागू राहणार नाहीत.
बंद करण्यात आलेले मार्ग व त्यावरील पर्यायी मार्ग खालीलप्रमाणे:
१. छत्रपती संभाजीनगर – बार्शी मार्ग:
-
बंद मार्ग: येरमाळा -> कुसळंब -> बार्शी.
-
पर्यायी मार्ग: छत्रपती संभाजीनगरहून येणारी वाहतूक येरमाळा उड्डाणपुलावरून -> येडशी मार्गे -> बार्शीकडे जाईल.
२. बार्शी – छत्रपती संभाजीनगर मार्ग:
-
बंद मार्ग: बार्शी -> कुसळंब -> येरमाळा.
-
पर्यायी मार्ग: बार्शी -> कुसळंब -> पांगरी -> येडशी -> येरमाळा उड्डाणपुलावरून -> छत्रपती संभाजीनगरकडे जाईल.
३. कळंब – बार्शी मार्ग:
-
बंद मार्ग: येरमाळा -> कुसळंब -> बार्शी.
-
पर्यायी मार्ग: कळंब -> मोहा फाटा (मनुष्यबळ पाटी) -> दहीफळ -> येडशी -> पांगरी -> कुसळंब मार्गे -> बार्शीकडे जाईल.
४. बार्शी – कळंब मार्ग:
-
बंद मार्ग: बार्शी -> कुसळंब -> येरमाळा.
-
पर्यायी मार्ग: बार्शी -> कुसळंब -> पांगरी -> येडशी -> दहीफळ -> मोहा फाटा (मनुष्यबळ पाटी) मार्गे -> कळंबकडे जाईल.
५. बार्शी – परळी/परभणी मार्ग:
-
बंद मार्ग: बार्शी -> कुसळंब -> येरमाळा.
-
पर्यायी मार्ग: बार्शी -> कुसळंब -> पांगरी -> येडशी -> ढोकी -> कळंब मार्गे -> परळी -> परभणीकडे जाईल.
६. परभणी/परळी – बार्शी मार्ग:
-
बंद मार्ग: येरमाळा -> कुसळंब -> बार्शी.
-
पर्यायी मार्ग: परभणी -> परळी -> कळंब -> ढोकी -> येडशी -> पांगरी -> कुसळंब मार्गे -> बार्शीकडे जाईल.
७. कळंब – छत्रपती संभाजीनगर मार्ग:
-
बंद मार्ग: येरमाळा -> छत्रपती संभाजीनगर.
-
पर्यायी मार्ग: कळंब -> मनुष्यबळ पाटी -> मांडवा -> वाशी फाटा मार्गे -> छत्रपती संभाजीनगरकडे जाईल.
८. छत्रपती संभाजीनगर – कळंब मार्ग:
-
बंद मार्ग: येरमाळा -> कळंब.
-
पर्यायी मार्ग: वाशी फाटा -> मांडवा -> मनुष्यबळ पाटी मार्गे -> कळंबकडे जाईल.
आवाहन: सर्व वाहनचालक आणि भाविकांनी या पर्यायी मार्गांचा अवलंब करून प्रशासनास व पोलिसांना सहकार्य करावे, असे आवाहन प्रशासनातर्फे करण्यात आले आहे.
