नमस्कार वाचकहो! ‘फेसबुक पिंट्या उर्फ पावशेरसिंह’ यांच्या पोकळ घोषणांच्या आणि ‘कॅमेरा-शो’च्या मालिकेत तुमचं पुन्हा स्वागत आहे. कालपर्यंत लेदर कारखाना, टेक्सटाईल पार्क, डिफेन्स हब आणि रेल्वेचे श्रेय लाटणारे साहेब आता थेट ‘इको-फ्रेंडली’ झाले आहेत! साहेबांच्या राजकीय इंजिनातलं इंधन संपल्यामुळे त्यांनी आता जनतेला फसवण्यासाठी ‘बायोडिझेल’ नावाचं नवं गाजर शोधून काढलं आहे.
चला तर मग, साहेबांच्या या नव्या ‘हटके’ घोषणेमागचं काळं सत्य, जमिनीचा खेळ आणि त्यांच्या ‘आलिशान’ स्टंटबाजीची पोलखोल करूया!
स्वतःच्या आलिशान गाडीला जपलं, कार्यकर्त्याचा मात्र बळी दिला!
साहेबांनी नुकतीच अशी भन्नाट हवा केलीये की, त्यांनी शेतातील तुराट्या, धसकटे, आणि काडी-कचऱ्यापासून तयार केलेलं ‘बायोडिझेल’ चक्क स्वतःच्या चारचाकी वाहनात वापरण्यास सुरुवात केली आहे. पण थांबा… इथंच तर खरा ‘गेम’ आहे!
आमच्या ‘बोरूबहाद्दरांनी’ जेव्हा आतली बातमी काढली, तेव्हा सत्य भयंकर निघालं. फेसबुक पिंट्या साहेबांनी स्वतःच्या करोडोंच्या ‘आलिशान’ गाडीत हे कचऱ्याचं डिझेल ओतायची रिस्क अजिबात घेतली नाही. त्यांनी काय केलं? तर त्यांच्या मागेपुढे फिरणाऱ्या एका बिचाऱ्या कार्यकर्त्याला पकडलं आणि हे ‘बायोडिझेल’ त्याच्या गाडीत ओतलं! स्वतःची गाडी सुरक्षित ठेवली आणि प्रयोगासाठी कार्यकर्त्याच्या गाडीच्या इंजिनाचा बळी दिला!
‘पाकीटमार’ पत्रकारांची फौज आणि साहेबांचा खोटा ‘कॅमेरा-शो’
कार्यकर्त्याच्या गाडीत डिझेल भरल्यावर साहेबांनी आपला पुढचा डाव टाकला. त्यांनी ‘पाकीट’ घेऊन पत्रकारिता करणाऱ्या त्या ‘दांडकेबहाद्दर’ पत्रकारांना बोलावलं आणि मोठ्या थाटात कॅमेऱ्यासमोर उभं राहून सांगितलं, “बघा बघा… हे बायोडिझेल मी माझ्या स्वतःच्या गाडीत भरलंय! आता याची मोठी बातमी करा आणि सगळीकडे पसरवा!”
पाकीटबहाद्दरांनीही मग ‘साहेब कसे पर्यावरणाचे रक्षक आहेत’ , आता १०० एकर मध्ये बायोडीझल कारखाना काढणार आहेत, तरुणांना रोजगार देणार आहेत याच्या बातम्या छापून आणल्या. पण साहेब, हा खोटेपणा किती दिवस चालणार?
मुळात या डिझेलला सरकारची परवानगी आहे का?
स्टंटबाजी आणि खोट्या बातम्यांच्या पलीकडे जाऊन एक अत्यंत गंभीर आणि मूळ प्रश्न असा आहे की… या ‘बायोडिझेल’ निर्मितीला आणि वापराला सरकारची अधिकृत परवानगी आहे का?
कुठलीही शासकीय मान्यता नसताना, सुरक्षेचे नियम धाब्यावर बसवून हा बेकायदेशीर उद्योग का सुरू आहे? जनतेला आणि प्रशासनाला अंधारात ठेवून हा कसला ‘विकास’ साधला जातोय?
आता साहेबांचं टार्गेट: धाराशिवसह सोलापूर, लातूर आणि बीड!
फेसबुक पिंट्यांची भूक आता फक्त धाराशिवपुरती मर्यादित राहिलेली नाही. त्यांनी या पोकळ घोषणेचा आवाका वाढवत, “या प्रकल्पाचा फायदा धाराशिवसह सोलापूर, लातूर आणि बीड जिल्ह्यांतील शेतकऱ्यांना होणार आहे” अशी लोणकढी थाप मारली आहे.
-
धाराशिवचे शेतकरी: आधीच विम्याच्या पैशांसाठी रस्त्यावर रस्ता रोको करत आहेत.
-
इतर जिल्हे: आता लातूर, बीड आणि सोलापूरच्या शेतकऱ्यांनाही साहेब स्वतःच्या भूलथापांच्या जाळ्यात ओढू पाहत आहेत! एका जिल्ह्याला गाजर दाखवून झालं, आता चार जिल्ह्यांना वेड्यात काढायचा विडा साहेबांनी उचललाय.
संस्थेच्या नावाखाली १०० एकरांचा नवा प्लॅन!
या ‘बायोडिझेल’च्या बातमीत एक अत्यंत महत्त्वाची गोम दडलेली आहे. फेसबुक पिंट्या साहेब हे उपाध्यक्ष असलेल्या एका संस्थेच्या माध्यमातून धाराशिव परिसरात हा बायोडिझेल निर्मितीचा प्रकल्प उभारण्यात येणार आहे. आणि त्यासाठी किती जमीन लागणार? तर तब्बल १०० एकर!
कौडगाव एमआयडीसीत डिफेन्स आणि दारूगोळ्याच्या नावाखाली हजारो एकर जमिनी लाटण्याचा प्लॅन उघडकीस आल्यावर साहेबांनी आता संस्थेचा बुरखा पांघरला आहे. ‘बायोडिझेल’चा कारखाना उभारण्याच्या गोंडस नावाखाली परिसरातील मोक्याची १०० एकर जमीन गिळंकृत करण्याचा हा नवा ‘मास्टरप्लॅन’ आहे. नाव ‘स्वतःच्या संस्थेचं ठेवलंय, पण शेतकऱ्यांच्या जमिनींवर डल्ला मारणारे हे कसले उपाध्यक्ष ?
साहेब, शेतातल्या तुराट्या आणि धसकटे जाळून डिझेल बनवण्यापेक्षा, तुम्ही गेली १०-१२ वर्षे ज्या खोट्या आश्वासनांचा ‘कचरा’ गोळा केलाय, तो आधी साफ करा! धाराशिवच्या जनतेला आता पक्कं समजलंय की, जिथे जिथे फेसबुक पिंट्या ‘विकास’ आणि ‘कारखाना’ हा शब्द वापरतात, तिथे तिथे त्यांचा डोळा फक्त आणि फक्त ‘जमिनींवर’ असतो.
तुम्ही डिझेल कार्यकर्त्याच्या गाडीत टाका नाहीतर स्वतःच्या, तुमची राजकीय गाडी आता ‘बोगस इंधनावर’ जास्त काळ चालणार नाही आणि पुढच्या निवडणुकीत ती ‘पंक्चर’ होणार हे मात्र नक्की!
