अंबी: अंबी पोलीस ठाण्याच्या हद्दीत वाटेफळ येथे एका वृद्ध महिलेच्या घरातून २७,००० रुपये रोख आणि १२ ग्रॅम वजनाचे सोन्याचे दागिने असा एकूण ४९,५०० रुपये किमतीचा ऐवज चोरीला गेला आहे. सत्यभामा नुस्ते (वय ८६) या वृद्ध महिलेच्या तक्रारीवरून भारत सर्जेराव नुस्ते, रवि भारत नुस्ते, वैष्णवी रवि नुस्ते आणि अमोल आण्णा भारत नुस्ते यांच्याविरुद्ध घरफोडीचा गुन्हा दाखल करण्यात आला आहे. आरोपींनी घरासमोरील कोटा तोडून चोरी केल्याचे तक्रारीत म्हटले आहे.
वाशी: वाशी पोलीस ठाण्याच्या हद्दीत घाटनांदुर येथील पवन रिनिव पावर कंपनीतून २ लाख रुपये किमतीचे २००० लिटर ट्रान्सफॉर्मर तेल चोरीला गेले आहे. सुरक्षा रक्षक संतोष लवटे यांनी दिलेल्या तक्रारीनुसार, अज्ञात चोरट्यांनी नवीन ट्रान्सफॉर्मर चालू होण्यापूर्वीच हे तेल चोरून नेले.
कळंब: कळंब बसस्थानकावर एका महिलेच्या गळ्यातील सोनसाखळी चोरीला गेली आहे. मानसी यादव (वय ४१) या महिलेच्या तक्रारीनुसार, बसस्थानकावरील गर्दीचा फायदा घेत अज्ञात चोरट्याने त्यांच्या गळ्यातील १५ ग्रॅम वजनाची ३५,००० रुपये किमतीची सोनसाखळी चोरली.
धाराशिव जिल्ह्यात चोरीच्या घटनांमध्ये वाढ झाल्याचे दिसून येत आहे. पोलिसांनी या घटनांचा तपास सुरू केला असून नागरिकांनीही सतर्क राहण्याचे आवाहन केले आहे.
