धाराशिव: धाराशिव शहरात हायवे बायपास रोडवर शेरकरच्या शेताजवळ एका भीषण अपघातात एका तरुणाचा मृत्यू झाला असून दुसरा तरुण गंभीर जखमी झाला आहे.
शहाबाज मिनाज शेख (१९ वर्षे) आणि अरबाज उर्फ गुड्डू जैनुद्दीन शेख (२६ वर्षे) हे दोघे मोटरसायकलवरून (क्र. एमएच २५ एस २३३३) जात असताना समोरून येणाऱ्या दुसऱ्या मोटरसायकलने (क्र. एमएच २५ व्ही २२०४) त्यांच्या मोटरसायकलला जोरदार धडक दिली. या अपघातात अरबाज शेख यांचा जागीच मृत्यू झाला तर शहाबाज शेख गंभीर जखमी झाले.
शहाबाज शेख यांनी दिलेल्या फिर्यादीवरून धाराशिव शहर पोलीस ठाण्यात भा.न्या.सं. कलम १०६(१), २८१, १२५ (अ) सह कलम १८४ मो वा का अन्वये गुन्हा नोंदविण्यात आला आहे.
