धाराशिव – धाराशिव शहरात मागील काही दिवसापासून गोवंशीय जनावरांची बेकायदेशीररीत्या कत्तल सुरु असताना, पोलिस त्याकडे दुर्लक्ष करीत होते, पण हिंदू संघटेनेच्या आणि बजरंग दलाच्या कार्यकर्त्यामुळे पोलिसांनी छापेमारी सुरु केली आहे.
दि.31.05.2024 रोजी 03.00 वा. सु. धाराशिव शहर येथील खिरणीमळा येथे अवैधरित्या गोवंशीय जनावरे कत्तलसाठी आणुन बांधून ठेवलेले आहेत व तेथेच पत्राचे शेडचे बाजुस एका वाहनामध्ये जनावरांची कत्तल करुन विक्रीसाठी मांस भरले असल्याची गोपनीय माहिती मिळाल्यानंतर पोलीस पथकाने अवैध कत्तल खान्यावर छापा टाकला. सदर छापा कारवाई मध्ये खिरणीमळा धाराशिव येथे राहणारे इसम नामे जाकेर कुरेशी, जलील गफुर कुरेशी,यांनी एकुण 9 जनावरे कत्तलीसाठी बांधलेले मिळुन आले. यावर पथकाने थोडे अंतरावर मस्जीदचे समोरील पत्राचे शेडचे बाजूस एक अशोक लिलॅड कंपनीचे वाहन दिसुन आले त्या वाहनाची पथकाने पाहणी केली असता त्यामध्ये जनावरांची कत्तल केलेले मांस मिळून आले. वाहनामध्ये एक इसम दिसला त्यास त्याचे नाव गाव विचारले असता त्याने त्याचे नाव ईर्शाद सलीम पठाण वय 29 वर्ष, रा. रसुलपुरा धाराशिव असे सांगितले.
सदर वाहनामधील मांस व मालकाबाबत विचारले असता त्याने सदरचे वाहन व मांस हे असलम असद कुरेशी रा. धाराशिव यांचे असलेबाबत सांगीतले. तसेच सदर ठिकाणावून व इसमाकडून एकुण 9 गोवंशीय जनावरे, मांस वजनकाटा व वाहनासह असा एकुण 18,68,000 ₹ किंमतीचे मांस व जनावरे जप्त करुन प्रयोगशाळा परिक्षणाकरीता पशुधन विकास अधिकारी, धाराशिव यांच्या मार्फत कातडीचे नमूने काढले आहेत. जीवंत गोवंशीय 09 जनावरे हे गो शाळेत देण्याची कार्यवाही करीत आहोत. या प्रकरणी सहाय्यक पोलीस निरीक्षक- अमोल मोरे यांनी सरकारतर्फे दिलेल्या प्रथम खबरेवरुन धाराशिव शहर पो. ठाणे येथे गुरनं/244/2024 भा.द.वि.सं. कलम 429, 34 महाराष्ट्र प्राणि संरक्षण कायदा कलम- 5, 5(अ),5(ब), 5(क), 9, 9(अ) सह प्राण्यांना निर्दयतेने वागविण्यास प्रतिबंध अधिनियम 1960 चे कलम 11 अन्वये गुन्हा दाखल केला आहे.
