कळंब – तालुक्यातील खडकी येथील बसस्थानकावर आर्थिक व्यवहाराच्या कारणावरून एका ३२ वर्षीय तरुणाला तिघांनी मिळून शिवीगाळ करत काठी व लोखंडी पाईपने मारहाण करून जखमी केले व जिवे मारण्याची धमकी दिली. याप्रकरणी कळंब पोलीस ठाण्यात तिघांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना ४ एप्रिल २०२५ रोजी सायंकाळी ६ वाजून २५ मिनिटांच्या सुमारास खडकी बसस्थानक परिसरात घडली. विक्रम बाळासाहेब भंडारे (वय ३२ वर्षे, रा. खडकी, ता. कळंब) असे मारहाण झालेल्या तरुणाचे नाव आहे.
फिर्यादीनुसार, आर्थिक देवाणघेवाणीच्या कारणावरून आरोपी बालाजी शांताबाई आंधारे, राहुल बालाजी आंधारे, आणि रोहण बालाजी आंधारे (सर्व रा. खडकी) यांनी विक्रम भंडारे यांना शिवीगाळ केली. त्यानंतर लाथाबुक्क्यांनी, काठीने व लोखंडी पाईपने मारहाण करून जखमी केले, तसेच जीवे मारण्याची धमकी दिली.
या घटनेप्रकरणी विक्रम भंडारे यांनी ५ एप्रिल रोजी दिलेल्या फिर्यादीवरून कळंब पोलिसांनी तिन्ही आरोपींविरुद्ध भारतीय न्याय संहिता (BNS) कलम ११८(१), ११५(२), ३५२, ३५१(२), ३(५) अन्वये गुन्हा नोंदवला आहे.या प्रकरणाचा पुढील तपास कळंब पोलीस करत आहेत.
