धाराशिव – सार्वजनिक ठिकाणी सुरक्षिततेचे नियम धाब्यावर बसवून निष्काळजीपणे गॅस शेगडी पेटवून लोकांचा जीव धोक्यात घालणाऱ्या हॉटेल व हातगाडी चालकांवर धाराशिव पोलिसांनी कारवाईचा बडगा उगारला आहे. कळंब आणि परंडा पोलीस ठाण्याच्या हद्दीत केलेल्या तपासणीत एकूण ५ जणांविरोधात स्वतंत्र गुन्हे नोंदवण्यात आले आहेत.
१) कळंब पोलिसांची मस्सा (खं.) येथे कारवाई
कळंब पोलीस ठाण्याच्या हद्दीतील मस्सा खंडेश्वरी गावात जाणाऱ्या रस्त्यालगत सुरेश गोपीलाल शर्मा (वय ३८ वर्षे, रा. मस्सा खं., ता. कळंब) हा आपल्या हातगाडीवर कोणतीही सुरक्षितता न बाळगता निष्काळजीपणे गॅस शेगडी पेटवून व्यवसाय करत असल्याचे १९ ऑगस्ट २०२६ रोजी रात्री ८.१५ वाजेच्या सुमारास पोलिसांच्या निदर्शनास आले. याप्रकरणी पोलिसांनी सरकारतर्फे दिलेल्या फिर्यादीवरून सुरेश शर्मा याच्याविरुद्ध कळंब पोलीस ठाण्यात गुन्हा दाखल केला आहे.
२) परंडा पोलिसांची माणकेश्वर येथे ४ हॉटेल्सवर कारवाई
परंडा पोलीस ठाण्याच्या पथकाने १९ ऑगस्ट २०२६ रोजी दुपारी १२.१५ ते सायंकाळी ४.३० वाजेच्या सुमारास माणकेश्वर परिसरातील हॉटेल्सची तपासणी केली. यावेळी मानवी जीवितास धोका निर्माण होईल अशा रीतीने गॅस शेगडीचा वापर केल्याप्रकरणी खालील ४ जणांवर स्वतंत्र गुन्हे दाखल करण्यात आले:
-
हॉटेल राजगड : आकाश अभिमान चव्हाण (वय ३२ वर्षे, रा. माणकेश्वर, ता. भूम).
-
हॉटेल समर्थ : पांडुरंग शिवाजीराव बोराडे (वय ३८ वर्षे, रा. सावरगाव, ता. भूम).
-
हॉटेल माउली : शशीकांत लहु मोराळे (वय ३५ वर्षे, रा. तांबेवाडी, ता. भूम).
-
हॉटेल भोलेश्वर कॅन्टीन : सागर लक्ष्मण बोराडे (वय ३२ वर्षे, रा. सावरगाव, ता. भूम).
गुन्हे दाखल
सार्वजनिक व वर्दळीच्या ठिकाणी अग्नी किंवा ज्वलनशील पदार्थांचा निष्काळजीपणे वापर केल्याप्रकरणी संबंधित पोलीस ठाण्यांत आरोपींविरोधात गुन्हे नोंदवण्यात आले असून, पोलीस या प्रकरणांचा पुढील तपास करत आहेत.
