धाराशिव : धाराशिव शहरात भर रस्त्यावर महिलेच्या अंगावरील सोन्याचे गंठण मोटरसायकलववरून आलेल्या चोरट्याने लंपास केल्याने खळबळ उडाली आहे. शहरात गेल्या काही दिवसापासून लुटमारीचे प्रकार वाढले आहेत , त्यामुळे महिलांमध्ये असुरक्षिततेची भावना निर्माण झाली आहे.
फिर्यादी नामे- पार्वती बाबुराव ढवळे, वय 70 वर्षे, रा. बॅक कॉलनी धाराशिव ता. जि. धाराशिव या दि. 18.06.2024 रोजी 20.20 वा. सु. बॅक कॉलनी धाराशिव येथुन पायी जात असताना अज्ञात व्यक्तीने मोटरसायकलवर पाठीमागून येवून पार्वती ढवळे यांच्या गळ्यातील 16 ग्रॅम वजनाचे सोन्याचे मिनी गंठण अंदाजे 65,000 ₹ किंमतीचे जबरीने लुटुन पसार झाला. अशा मजकुराच्या फिर्यादी नामे-पार्वती ढवळे यांनी दि.20.06.2024 रोजी दिलेल्या प्रथम खबरेवरुन आनंदनगर पो ठाणे येथे भा.द.वि.सं. कलम 392 अन्वये गुन्हा नोंदवला आहे.
मोटारसायकलची चोरी
शिराढोण – फिर्यादी नामे-बाळासाहेब भानुदास जाधवर, वय 37 वर्षे, रा. ताडगाव ता. कळंब जि. धाराशिव यांची अंदाजे 30,000₹ किंमतीची आय स्मार्ट कंपनीची मोटरसायकल क्र एमएच 13 सी.ए. 4189 ही दि. 11.06.2024 रोजी 10.00 ते दि. 11.06.2024 रोजी रात्री 11.45 वा. सु. बाळासाहेब जाधवर यांच्या राहत्या घरासमोरुन आरोपी नामे- आलताफ गफ्फार शेख रा. महेबुब नगर नैरी चौक माळटेकडी रोड नांदेड ह.मु. शिराढोण ता.कळंब, सत्तार महेबुब शेख रा. शिराढोण ता. कळंब जि. धाराशिव यांनी चोरुन नेली. अशा मजकुराच्या फिर्यादी नामे-बाळासाहेब जाधवर यांनी दि.20.06.2024 रोजी दिलेल्या प्रथम खबरेवरुन शिराढोण पो ठाणे येथे भा.द.वि.सं. कलम 379 अन्वये गुन्हा नोंदवला आहे.