शिराढोण : शाळेतून सोलार बॅटऱ्या आणि इन्व्हर्टर चोरीला
भाटशिरपुरा येथील कै. भाई नारायणराव लोमटे माध्यमिक विद्यालयाच्या खोलीतून अज्ञात चोरट्यांनी सोलार बॅटऱ्या आणि इन्व्हर्टर चोरून नेला.
३१ ऑक्टोबर २०२६ रोजी दुपारी १ ते २ नोव्हेंबर रोजी सकाळी ९ वाजण्याच्या दरम्यान ही चोरी झाली. यामध्ये चार सोलार बॅटऱ्या आणि एक इन्व्हर्टर असा एकूण ७० हजार रुपये किमतीचा मुद्देमाल चोरीला गेला.
याप्रकरणी शाळेचे प्रतिनिधी शरद गणपतराव सूर्यवंशी (वय ४७, रा. भाटशिरपुरा, ता. कळंब) यांनी ३ नोव्हेंबर रोजी शिराढोण पोलीस ठाण्यात फिर्याद दिली. त्यावरून भारतीय न्याय संहिता कलम ३०३(२) अन्वये गुन्हा दाखल करण्यात आला आहे.
तुळजापूर : घरातून सोन्याचे टॉप्स लंपास
ढेकरी येथील आकाश शाहू शेंडगे (वय ३८, ता. तुळजापूर) यांच्या घरातून साडेचार ग्रॅम वजनाचे सोन्याचे टॉप्स चोरीला गेले.
२० ऑक्टोबर २०२६ रोजी दुपारी २ ते सायंकाळी ६ वाजण्याच्या दरम्यान अज्ञात व्यक्तीने घरातील घटाच्या कलशाला लावलेले सोन्याचे टॉप्स चोरून नेले. या दागिन्यांची किंमत ३० हजार रुपये असल्याचे फिर्यादीत नमूद आहे.
याप्रकरणी आकाश शेंडगे यांनी ३ नोव्हेंबर रोजी तुळजापूर पोलीस ठाण्यात तक्रार दिली. त्यावरून भारतीय न्याय संहिता कलम ३०३(२) अन्वये गुन्हा दाखल करण्यात आला आहे.
येरमाळा : दोन मोटरसायकली चोरीला
येरमाळा येथे जयसिंग अनुरुद्र सोलाट (वय ३२, मूळ रा. गेवराई, जि. बीड, सध्या रा. येरमाळा, ता. कळंब) यांच्या दोन मोटरसायकली अज्ञात चोरट्यांनी चोरून नेल्या.
३ नोव्हेंबर रोजी पहाटे ५ ते ५.२० वाजण्याच्या दरम्यान आय स्मार्ट मोटरसायकल (क्र. एमएच २३ एएल ०३२०) आणि एचएफ डिलक्स मोटरसायकल (क्र. एमएच २५ एव्हाय ०४७३) चोरीला गेल्या. या दोन्ही दुचाकींची एकूण किंमत २५ हजार रुपये असल्याचे फिर्यादीत नमूद आहे.
याप्रकरणी जयसिंग सोलाट यांनी ३ नोव्हेंबर रोजी येरमाळा पोलीस ठाण्यात फिर्याद दिली. त्यावरून भारतीय न्याय संहिता कलम ३०३(२) अन्वये गुन्हा दाखल करण्यात आला आहे.
या तिन्ही चोरीच्या घटनांचा संबंधित पोलीस ठाण्यांकडून तपास सुरू असून, चोरट्यांचा शोध घेतला जात आहे.
