धाराशिव – धाराशिव शहरात आणि ग्रामीण भागात दोन वेगवेगळ्या मारहाणीच्या घटना घडल्या असून, दोन्ही घटनांमध्ये गुन्हे दाखल करण्यात आले आहेत.
शहरातील घटना: धाराशिव शहर पोलीस ठाण्याच्या हद्दीत कनिष्क सुहास डावरे याने सुरेश त्रिंबक भालेराव यांना मागील भांडणाचे कारणावरून शिवीगाळ करून लाथाबुक्क्यांनी आणि दगडाने मारहाण केली. तसेच जिवे मारण्याची धमकी दिली. ही घटना ८ ऑक्टोबर रोजी लिमरा हॉटेल समोर घडली. याप्रकरणी भालेराव यांच्या फिर्यादीवरून डावरे विरुद्ध गुन्हा दाखल करण्यात आला आहे.
ग्रामीण भागातील घटना: धाराशिव ग्रामीण पोलीस ठाण्याच्या हद्दीत बळीराम भिमराव मुंडे याने चंद्रसेन संपती मुंडे यांना शेतातील गवत घेऊन जाण्याच्या कारणावरून शिवीगाळ करून लाथाबुक्क्यांनी आणि कुऱ्हाडीच्या दांड्याने मारहाण केली. तसेच जिवे मारण्याची धमकी दिली. ही घटना ७ ऑक्टोबर रोजी पवारवाडी शिवारातील शेत गट क्रमांक २५/७ मध्ये घडली. याप्रकरणी मुंडे यांच्या फिर्यादीवरून मुंडे विरुद्ध गुन्हा दाखल करण्यात आला आहे.
