तुळजापूर: सोयाबीनचा ढिगारा पेटवण्यावरून झालेल्या वादातून एका महिलेसह तिच्या पतीला मारहाण करण्यात आल्याची घटना सिंदफळ येथे घडली आहे. याप्रकरणी तुळजापूर पोलिसांनी पाच जणांविरुद्ध गुन्हा दाखल केला आहे.
राजश्री बळीराम शिंदे (वय ५०, रा. सिंदफळ) यांनी दिलेल्या फिर्यादीनुसार, २२ ऑक्टोबर रोजी संध्याकाळी सात वाजण्याच्या सुमारास महेश भागवत शिंदे, भागवत जनार्धन शिंदे, आप्पा शिवाजी खराडे, धनाजी शिवाजी खराडे (सर्व रा. झोपडपट्टी, सिंदफळ) यांनी सोयाबीनचा ढिगारा पेटवण्याच्या कारणावरून त्यांना आणि त्यांच्या पतीला शिवीगाळ केली. तसेच लाथाबुक्यांनी आणि लोखंडी सळईने मारहाण करून गंभीर जखमी केले. इतकेच नव्हे तर जीवे मारण्याची धमकीही दिली.
याप्रकरणी राजश्री शिंदे यांनी २४ ऑक्टोबर रोजी तुळजापूर पोलीस ठाण्यात फिर्याद दिली. त्यांच्या फिर्यादीनुसार, पोलिसांनी आरोपींविरुद्ध भादंवि कलम ११८(२), ३२६(फ), ११५(२), ३५२, ३५१(२), ३(५) अन्वये गुन्हा दाखल केला आहे.
