येरमाळा पोलीस ठाण्यात दोन वेगवेगळ्या तक्रारी नोंदवण्यात आल्या आहेत, ज्यात कळशी चोरीच्या संशयावरून झालेल्या वादातून दुहेरी मारहाणीचे प्रकार समोर आले आहेत.
पहिल्या घटनेत, सोजराबाई गायकवाड (वय ७०) यांनी तक्रार दाखल केली आहे की त्यांना कळशी चोरीच्या संशयावरून शिवीगाळ करण्यात आली आणि मारहाण करण्यात आली. या प्रकरणी सुनिता चंदनशिवेसह सहा जणांविरुद्ध गुन्हा दाखल करण्यात आला आहे.
दुसऱ्या घटनेत, सुनिता चंदनशिवे (वय ३०) यांनी तक्रार दाखल केली आहे की त्यांना आणि त्यांच्या सासू व मुलीला कळशी चोरीच्या कारणावरून मारहाण करण्यात आली. या प्रकरणी सगजान चंदनशिवेसह आठ जणांविरुद्ध गुन्हा दाखल करण्यात आला आहे.
आरोपी नामे-सुनिता चंदनशिवे, रागिणी चंदनशिवे, रुक्मीणी चंदनशिवे, हनुमंत चंदनशिवे, दिनेश हनुमंत चंदनशिवे, सर्व रा. वाघोली ता. कळंब जि. धाराशिव यांनी दि. 06.09.2024 रोजी 12.00 वा. सु. वाघोली येथे फिर्यादी नामे- सोजराबाई पांडुरंग गायकवाड, वय 70 वर्षे, रा. वाघोली ता. कळंब जि. धाराशिव या कळशी चोरीला गेल्यामुळे शिव्या देता असताना नमुद आरोपींनी गैरकायद्याची मंडळी जमवून शिवीगाळ करुन लाथाबुक्यांनी मारहाण करुन जखमी केले. व ठार मारण्याची धमकी दिली. अशा मजकुराच्या फिर्यादी नामे-सोजराबाई गायकवाड यांनी दि.06.09.2024 रोजी दिलेल्या प्रथम खबरेवरुन येरमाळा पो ठाणे येथे भा.न्या.सं. कलम 189(2), 191(1), 190, 115(2), 351(2)(3), 352, न्वये गुन्हा नोंदवला आहे.
आरोपी नामे-सगजान दिगंबर चंदनशिवे, सोजर पांडुरंग गायकवाड, दोघे रा. वाघोली ता. कळंब,बायणी बगाडे, सोजन गायकवाड,आश्राबाई गरुड, अमर अहिरे,अजय गरुड, पांडुरंग गायकवाड रा. वाघोली ता. कळंब जि. धाराशिव यांनी दि. 06.09.2024 रोजी 12.00 वा. सु. वाघोली येथे फिर्यादी नामे- सुनिता करण चंदनशिवे, वय 30 वर्षे, रा. वाघोली ता. कळंब जि. धाराशिव यांना नमुद आरोपींनी कळशी का चोरीला या कारणावरुन गैरकायद्याची मंडळी जमवून शिवीगाळ करुन लाथाबुक्यांनी, विटाने मारहाण करुन जखमी केले. तसेच फिर्यादीची सासु व मुलगी या भांडण सोडवण्यास आल्या असता त्यासही नमुद आरोपींनी शिवीगाळ करुन लाथाबुक्यांनी मारहाण केली. व ठार मारण्याची धमकी दिली. अशा मजकुराच्या फिर्यादी नामे-सुनिता चंदनशिवे यांनी दि.06.09.2024 रोजी दिलेल्या प्रथम खबरेवरुन येरमाळा पो ठाणे येथे भा.न्या.सं. कलम 189(2), 191(1), 190, 115(2), 351(2)(3), 352, 118(1) न्वये गुन्हा नोंदवला आहे.
