धाराशिव – ढोकी ते तडवळ रस्त्यावर टी पॉईंटच्या बाजूला उभ्या असलेल्या टेम्पोमधून अज्ञात व्यक्तीने 1.67 लाख रुपये किमतीचा इलेक्ट्रॉनिक सामान चोरून नेल्याची घटना घडली आहे.
अनिल मारुती थोरात (वय 42, रा. मिरवडी ता. दौंड ) हे रिलायन्स डिजिटल कंपनीचा माल घेऊन लातूरकडे जात असताना ही चोरी झाली. टेम्पोमध्ये रिअलमी कंपनीचे टी.डब्ल्यू.एस. बॉक्स, 8 मोबाईल, फॅबिनो ज्युपिटर कंपनीचे 2 पॅक आणि 2 एलईडी टीव्ही यांचा समावेश होता.
थोरात यांनी दिलेल्या फिर्यादीनुसार ढोकी पोलीस ठाण्यात अज्ञात चोराविरुद्ध गुन्हा दाखल करण्यात आला आहे. पोलिसांनी तपास सुरू केला असून चोरांचा शोध घेत आहेत.
अंबी : कंडारी येथून 60 हजार रुपये किमतीच्या शेळ्या, पिल्ले चोरी
अंबी – कंडारी येथून अज्ञात व्यक्तीने 60 हजार रुपये किमतीच्या 6 शेळ्या आणि 6 पिल्ले चोरून नेल्याची घटना घडली आहे.
बाबुराव केरबा महानवर (वय 52) यांच्या मालकीच्या या शेळ्या आणि पिल्ले 4 सप्टेंबर रोजी रात्री चोरीला गेल्या. महानवर यांनी दिलेल्या फिर्यादीनुसार अंबी पोलीस ठाण्यात अज्ञात चोराविरुद्ध गुन्हा दाखल करण्यात आला आहे.पोलिसांनी तपास सुरू केला असून चोरांचा शोध घेत आहेत.
