नमस्कार वाचकहो! धाराशिवच्या राजकीय नाटकात आजवर आपण ‘फेसबुक पिंट्या उर्फ पावशेरसिंह’ यांच्या पोकळ घोषणा, खोटे श्रेय आणि उडणाऱ्या पुड्या पाहिल्या. पण आज आपण साहेबांच्या खऱ्या ‘विकासाच्या मॉडेलची’ पोलखोल करणार आहोत. हे मॉडेल दुसरं-तिसरं काही नसून ‘लाडका कंत्राटदार आणि फिक्स टक्केवारी’ यावर चालतं!
मातोश्रीचे एकनिष्ठ आणि धडाडीचे आमदार कैलास पर्व यांनी विधानभवनात थेट साहेबांच्या या ‘टक्केवारी’च्या मॉडेलचे वाभाडे काढले आहेत. चला तर मग, बघूया साहेबांच्या लाडक्या कंत्राटदाराचा हा बोगस कारभार!
१. बार्शी-बोरफळ रस्ता: मुंबईत आमदारांची डरकाळी, अन् साहेबांचा धाराशिवमध्ये सेल्फी!
धाराशिवचा ‘बार्शी-बोरफळ’ रस्ता म्हणजे फेसबुक पिंट्याच्या विकासाचा एक उत्तम (आणि बोगस) नमुना आहे. या रस्त्याचं काम कासवाच्या गतीने सुरू आहे. रस्त्याच्या कडेला नाल्या (Drainage) काढलेल्या नाहीत. पावसाळ्यात या रस्त्यावरचं पाणी थेट लोकांच्या घरात घुसणार, अशी भयंकर परिस्थिती निर्माण झाली आहे.
आमदार कैलास पर्व यांनी लोकांचा हा आक्रोश थेट मुंबईत विधानभवनात मांडला आणि सरकारचे वाभाडे काढले. पण इकडे मुंबईत आमदार पर्व जनतेसाठी घसा फोडत असताना, आमचे ‘फेसबुक पिंट्या’ साहेब धाराशिवमध्ये त्याच अपूर्ण रस्त्यावर उभे राहून “काम एकदम फास्ट सुरू आहे” असे सांगत हसतमुख सेल्फी काढण्यात मग्न होते! रस्त्यावर नाल्या नाहीत, लोकांच्या घरात पाणी जातंय, याचं साहेबांना काहीही देणंघेणं नाही. त्यांना पुळका आहे तो फक्त त्यांच्या लाडक्या कंत्राटदाराचा, कारण त्यातून साहेबांची ‘टक्केवारी’ फिक्स येते ना!
२. मेडिकल कॉलेजचा घोटाळा आणि ‘सातारच्या राजाचा’ दणका!
फेसबुक पिंट्या साहेबांच्या कंत्राटदार प्रेमाचा सर्वात मोठा बळी ठरलंय ते धाराशिवचं ‘मेडिकल कॉलेज’. कॉलेज सुरू होऊन तब्बल चार वर्षे झाली, विद्यार्थ्यांची एक बॅच शिकून बाहेरही पडली, पण अजूनही मेडिकल कॉलेजच्या इमारतीची साधी पायाभरणीही झालेली नाही!
यामागचं कारण ऐकाल तर डोक्याला हात लावाल. या इमारतीचं करोडोंचं टेंडर फेसबुक पिंट्यांनी आपल्या छत्रपती संभाजीनगरच्या लाडक्या कंत्राटदाराला—म्हणजेच ‘खंडोजी’ रावांना—कागदपत्रे अपूर्ण आणि बोगस असतानाही परस्पर मिळवून दिलं होतं.
पण आमदार कैलास पर्व यांनी विधानभवनात हा कागदपत्रांचा सगळा काळाबाजार पुराव्यासकट उघड केला. कैलास पर्वांचा हा दणका एवढा जबरदस्त होता की, ‘सातारच्या राजाने’ (मंत्र्यांनी) विधानभवनातच खडाजंगी करत हे बोगस टेंडर तात्काळ ‘रद्द’ करण्याची घोषणा केली! आपला लाडका कंत्राटदार आणि कोट्यवधींची टक्केवारी हातातून गेल्यामुळे आता फेसबुक पिंट्या पार त्रस्त आणि हवालदिल झाले आहेत.
३. तुळजापूरचे बोगस रस्ते आणि सरकारला लुटण्याची प्लॅनिंग
साहेबांचं या बोगस कंत्राटदार ‘खंडोजी’वर एवढं प्रेम आहे की, त्यांनी तुळजापूर रस्त्याची सगळी कामेही याच खंडोजीला दिली होती. पण तुळजापूरच्या स्थानिक मंडळींनी या रस्त्यांच्या कामाचा दर्जा किती थर्डक्लास आणि बोगस आहे, याचा ऑन द स्पॉट पर्दाफाश केला.
रस्ते बोगस निघूनही साहेबांची हाव संपलेली नाही. तुळजापूर तीर्थक्षेत्राच्या विकासाची कोट्यवधींची कामे पुन्हा याच बोगस खंडोजी रावांच्या घशात घालण्यासाठी फेसबुक पिंट्या सध्या जिवापाड प्रयत्न करत आहेत.
तात्पर्य:
फेसबुक पिंट्या साहेबांना धाराशिवच्या विकासाशी, विद्यार्थ्यांच्या मेडिकल कॉलेजशी किंवा तुळजापूरच्या पवित्र तीर्थक्षेत्राशी काहीही देणंघेणं नाही. त्यांचा एकच अजेंडा आहे—खंडोजीसारखे बोगस कंत्राटदार आणायचे, त्यांना कामे वाटायची, त्यातून आपली तगडी ‘टक्केवारी’ काढायची, आणि सरकारला लुटून वरून सोशल मीडियावर “मीच विकासपुरुष” म्हणून ‘सेल्फी’ टाकायचे!
पण कैलास पर्वांनी विधानभवनात जो बॉम्ब फोडलाय, त्यामुळे साहेबांचा आणि त्यांच्या लाडक्या कंत्राटदाराचा हा ‘सेल्फी’ आता चांगलाच ब्लर (Blur) झाला आहे!
– बोरूबहाद्दर
