लोहारा – लोहारा तालुक्यातील एका गावात एका ३९ वर्षीय महिलेवर तरुणाकडून लैंगिक अत्याचार झाल्याची धक्कादायक घटना समोर आली आहे. पीडित महिला २० जुलै २०२४ रोजी गाडीत बसलेली असताना एका तरुणाने तिला तलाव दाखविण्याच्या बहाण्याने झाडीत नेले आणि तिच्यावर अत्याचार केला. याप्रकरणी लोहारा पोलीस ठाण्यात गुन्हा दाखल करण्यात आला आहे.
पीडित महिलेने दिलेल्या फिर्यादीनुसार, २० जुलै रोजी दुपारी साडेबारा ते पाच वाजण्याच्या दरम्यान ती गाडीत बसलेली होती. त्यावेळी एका तरुणाने तिला तलाव दाखविण्याचे आमिष दाखवून झाडीत नेले आणि तिच्यावर लैंगिक अत्याचार केला.
घटनेनंतर पीडित महिलेने १७ ऑक्टोबर रोजी लोहारा पोलीस ठाण्यात धाव घेतली आणि तक्रार दाखल केली. पोलिसांनी भारतीय दंड संहिता कलम ६४ (१) अन्वये गुन्हा दाखल केला आहे. पोलिसांनी आरोपी तरुणाचा शोध सुरू केला असून पुढील तपास सुरू आहे.
- (टीप: पीडित महिलेचे नाव आणि गाव हे गोपनीय ठेवण्यात आले आहे.)
