लोहारा: वडिलांना शिवीगाळ का केली, या कारणावरून झालेल्या वादातून एका १८ वर्षीय तरुणाला काठीने आणि लाथाबुक्क्यांनी जबर मारहाण केल्याची घटना लोहारा तालुक्यातील उंडरगाव येथे घडली आहे. याप्रकरणी लोहारा पोलीस ठाण्यात एकाच कुटुंबातील तिघांवर गुन्हा दाखल करण्यात आला आहे.
पोलिसांनी दिलेल्या माहितीनुसार, संस्कार विकास भड (वय १८, रा. उंडरगाव, ता. लोहारा) यांनी याप्रकरणी फिर्याद दिली आहे. ही घटना २४ जानेवारी २०२६ रोजी रात्री ८:०० वाजण्याच्या सुमारास घडली. संस्कार यांच्या वडिलांना शिवीगाळ केल्याच्या कारणावरून आरोपींनी संस्कार यांना गाठले. यावेळी आरोपींनी त्यांना शिवीगाळ करत लाथाबुक्क्यांनी आणि काठीने बेदम मारहाण केली. यामध्ये संस्कार हे गंभीर जखमी झाले आहेत. तसेच, यावेळी आरोपींनी त्यांना जीवे ठार मारण्याची धमकीही दिली.
१. ऋषीकेश संजय सुर्यवंशी २. ऋत्विक संजय सुर्यवंशी ३. संजय नागनाथ सुर्यवंशी (सर्व रा. उडंरगाव, ता. लोहारा)
संस्कार भड यांनी ८ फेब्रुवारी २०२६ रोजी दिलेल्या तक्रारीवरून लोहारा पोलिसांनी वरील तिन्ही आरोपींविरुद्ध भारतीय न्याय संहिता (BNS) कलम ११८(२) (शस्राने किंवा धोकादायक साधनांनी दुखापत करणे), ११५(२) (दुखापत करणे), ३५२ (शांतता भंग करण्याच्या उद्देशाने अपमान), ३५१(२)(३) (धमकी देणे) आणि ३(५) (समान उद्देशाने केलेले कृत्य) अन्वये गुन्हा दाखल केला आहे. घटनेचा पुढील तपास लोहारा पोलीस करत आहेत.
