तुळजापूर : तुळजापूर शहरातील घाटशिळ पार्किंग परिसरात उभी असलेल्या कारची काच फोडून अज्ञात चोरट्याने दीड लाख रुपये रोख व महत्त्वाची कागदपत्रे चोरून नेल्याची घटना घडली आहे. या प्रकरणी तुळजापूर पोलीस ठाण्यात गुन्हा दाखल करण्यात आला आहे.
याबाबत मिळालेल्या माहितीनुसार, नागराज सदानंद मडीवाळ (वय 29, रा. चिंचवाडा गाव पाली, ता. बिचोली नॉर्थ, जि. नॉर्थ गोवा) हे आपल्या स्कोडा स्लाविया (क्र. GA 04 E 9156) या कारमधून तुळजापूर येथे आले होते. त्यांनी कार घाटशिळ पार्किंगमध्ये स्मशानभूमी रोडवरील इदगाहजवळ उभी केली होती.
दि. 19 जुलै 2026 रोजी सकाळी 11.30 ते सायंकाळी 6.00 या कालावधीत अज्ञात चोरट्याने कारच्या डाव्या बाजूची काच फोडून वाहनातील पर्स चोरून नेली. त्या पर्समध्ये 1 लाख 50 हजार रुपये रोख रक्कम तसेच महत्त्वाची कागदपत्रे होती.
याप्रकरणी नागराज मडीवाळ यांनी दिलेल्या फिर्यादीवरून तुळजापूर पोलीस ठाण्यात भारतीय न्याय संहिता (BNS) कलम 303(2) अन्वये गुन्हा दाखल करण्यात आला असून, अज्ञात चोरट्याचा शोध पोलीस घेत आहेत.
