तामलवाडी पोलीस ठाण्यात दिनांक 5 सप्टेंबर 2024 रोजी एका तरुणाच्या मृत्यूनंतर मारहाणीचा गुन्हा दाखल करण्यात आला आहे. सुरतगाव येथील सागर भोसले यांचा मृत्यू झाल्याची तक्रार त्यांचे वडील उत्रेश्वर भोसले यांनी दिली. तक्रारीनुसार, विशाल कटारे, अलका भोसले आणि कविता कटारे यांनी सागर यांना शिवीगाळ करून मारहाण केली. या मारहाणीत सागर गंभीर जखमी झाले आणि त्यांचा मृत्यू झाला.
पोलिसांनी या प्रकरणी तिन्ही आरोपींविरुद्ध भादंवि कलम 105, 352, 3(5) अन्वये गुन्हा दाखल केला आहे. पुढील तपास सुरू आहे.
आयुष्मान भारत कार्डच्या नावाखाली फसवणूक, वाशीत गुन्हा दाखल
वाशी पोलीस ठाण्यात 5 सप्टेंबर 2024 रोजी आयुष्मान भारत कार्डच्या नावाखाली फसवणूक केल्याप्रकरणी गुन्हा दाखल करण्यात आला आहे. सतिश चव्हाण यांच्या तक्रारीनुसार, एका अनोळखी इसमाने त्यांच्या आई-वडिलांसह इतर लोकांना आयुष्मान भारत कार्डसाठी केवायसी करण्याच्या बहाण्याने फसवले. या इसमाने सोबत आणलेल्या मशीनद्वारे लोकांचे अंगठे घेऊन त्यांच्या खात्यातून 40,000 रुपये ट्रान्सफर करून घेतले.
पोलिसांनी या प्रकरणी अज्ञात इसमाविरुद्ध भादंवि कलम 318, 323 अन्वये गुन्हा दाखल केला आहे. पुढील तपास सुरू आहे.
