धाराशिव: येथील शांतिनिकेतन कॉलनी भागात जागेच्या जुन्या वादावरून बेकायदेशीर जमाव जमवून एका ५८ वर्षीय वृद्ध महिलेला शिवीगाळ करत लाथाबुक्क्यांनी मारहाण केल्याची घटना समोर आली आहे. याप्रकरणी पाच जणांविरुद्ध आनंदनगर पोलीस ठाण्यात विविध कलमांन्वये गुन्हा दाखल करण्यात आला आहे.
मिळालेल्या माहितीनुसार, फिर्यादी रजियाबी मकबुल सय्यद (वय ५८, रा. शांतिनिकेतन कॉलनी, धाराशिव) यांची शांतिनिकेतन कॉलनी येथील सर्वे नंबर १६४/४ मध्ये जागा आहे. या जागेच्या कारणावरून आरोपी अनिस अहमद सय्यद, वारीस इरशाद सय्यद, तौसीफ मुमशाद मशायक, फैजान मसरत मशायक आणि ईमान मोमीन (सर्व रा. मशायक गल्ली, खाजा नगर, धाराशिव) यांनी १९ मे २०२६ रोजी दुपारी साडेबाराच्या सुमारास गैरकायद्याची मंडळी जमवून फिर्यादी यांच्या जागेवर धाव घेतली.
जागेच्या वादाची कुरापत काढून सर्व आरोपींनी फिर्यादी रजियाबी यांना अश्लील शिवीगाळ करण्यास सुरुवात केली. त्यानंतर आरोपींनी त्यांना लाथाबुक्क्यांनी बेदम मारहाण करून जखमी केले. तसेच, जातेवेळी ‘जागे नादाला लागल्यास जिवे ठार मारू’, अशी धमकीही दिली.
या धक्कादायक प्रकारानंतर रजियाबी सय्यद यांनी २१ मे २०२६ रोजी आनंदनगर पोलीस ठाणे गाठून फिर्याद दिली. त्यांच्या प्रथम खबरेवरून पोलिसांनी पाचही आरोपींविरुद्ध भारतीय न्याय संहिता (BNS) कलम १८९(२), १९१(२), १९०, ११५(२), ३५२, ३५१(२), ३३३ आणि ३२४(४) अन्वये गुन्हा नोंदवला आहे. या प्रकरणाचा पुढील तपास पोलीस करत आहेत.
