• Home
  • Contact Us
  • About Us
  • Privacy Policy
Thursday, November 19, 2026
Dharashivlive
Advertisement
  • मुख्य बातमी
  • ताज्या बातम्या
  • विशेष बातम्या
  • धाराशिव शहर
  • धाराशिव जिल्हा
  • मराठवाड़ा
  • महाराष्ट्र
  • देश -विदेश
  • अन्य
    • झलक
    • ब्लॉग
    • मुक्तरंग
    • सडेतोड
    • ऐकावे ते नवल
    • करमणूक
    • क्राईम
    • क्रीडा
    • गोफणगुंडा
    • राजकारण
    • ई पेपर
    • शेती – शेतकरी
No Result
View All Result
  • मुख्य बातमी
  • ताज्या बातम्या
  • विशेष बातम्या
  • धाराशिव शहर
  • धाराशिव जिल्हा
  • मराठवाड़ा
  • महाराष्ट्र
  • देश -विदेश
  • अन्य
    • झलक
    • ब्लॉग
    • मुक्तरंग
    • सडेतोड
    • ऐकावे ते नवल
    • करमणूक
    • क्राईम
    • क्रीडा
    • गोफणगुंडा
    • राजकारण
    • ई पेपर
    • शेती – शेतकरी
No Result
View All Result
Dharashivlive
No Result
View All Result

पालकमंत्री की केवळ ‘झेंडा मंत्री’?

admin by admin
September 15, 2026
in सडेतोड
Reading Time: 1 min read
धाराशिवमधील रस्त्यांसाठी १४० कोटींची फेरनिविदा; दिवाळीनंतर कामांना सुरुवात, पण निवडणुकीच्या आचारसंहितेचं काय?
0
SHARES
बातमी शेअर कराShare ItShare It

कधी आभाळ फाटून ओला दुष्काळ, तर कधी ढगांनी पाठ फिरवून कोरडा दुष्काळ—धाराशिव जिल्ह्याच्या नशिबी हा चक्रव्यूह पाचवीलाच पुजलेला आहे. पण निसर्गाच्या या अवकृपेपेक्षाही अधिक भयंकर ठरतो आहे तो इथल्या राज्यकर्त्यांचा कमालीचा कोडगेपणा आणि संवेदनाहीन कारभार. गेल्या दोन महिन्यांपासून पावसाचा पत्ता नाही. तळहाताच्या फोडाप्रमाणे जपलेले सोयाबीन डोळ्यांदेखत करपून खाक झाले आहे. फळबागा उद्ध्वस्त होण्याच्या मार्गावर आहेत आणि भाजीपाला उत्पादक शेतकरी हवालदिल झाला आहे. पिण्याच्या पाण्यासाठी जनतेची वणवण सुरू आहे, मुक्या जनावरांच्या चाऱ्याचा प्रश्न आ वासून उभा आहे आणि हाताला काम नसल्याने शेतमजुरांवर पुन्हा एकदा स्थलांतराची कुऱ्हाड कोसळली आहे. सणासुदीचे दिवस असतानाही शेतातल्या नुकसानीमुळे यंदाचा गणेशोत्सव पूर्णपणे थंड आहे आणि आगामी सणांवरही दुष्काळाचे काळे सावट दाटून आले आहे.

अशा भीषण संकटाच्या काळात जिल्ह्याला वाली कोण? हा खरा सवाल आहे. जिल्ह्याचे पालकत्व ठाण्याचे रहिवासी आणि राज्याचे परिवहन मंत्री प्रताप सरनाईक यांच्याकडे आहे. मात्र, ते धाराशिवचे ‘पालकमंत्री’ आहेत की केवळ ‘झेंडा मंत्री’, असा संतापजनक सवाल आज इथला सामान्य शेतकरी विचारत आहे. १५ ऑगस्ट, २६ जानेवारी आणि १७ सप्टेंबरचा मराठवाडा मुक्ती संग्राम दिन—केवळ या तीन दिवसांच्या झेंडावंदनापुरते धाराशिवला हजेरी लावायची, शासकीय इतमामात भाषणे ठोकायची आणि दुसऱ्या दिवशी पुन्हा मुंबई-ठाण्याची वाट धरायची, एवढाच काय तो यांचा पालकमंत्रिपदाचा आवाका उरला आहे.

जिल्ह्यात सरासरीच्या पन्नास टक्क्यांहून कमी पाऊस झाल्याने परिस्थिती अत्यंत नाजूक बनली आहे. अशा वेळी प्रत्यक्ष बांधावर जाऊन शेतकऱ्यांचे अश्रू पुसणे, प्रशासनाला जागेवर हलवून दुष्काळ निवारणाची कामे सुरू करणे अपेक्षित होते. मात्र, आमचे मंत्री महोदय मुंबईतील वातानुकूलित दालनात बसून ‘ऑनलाइन’ बैठकांचा सोपस्कार पार पाडत आहेत. स्क्रीनवर पाहून शेतकऱ्यांची जळलेली पिके आणि त्यांच्या घरातील कोरडी चूल कशी दिसणार? हवेतील कारभाराने जमिनीवरील दुष्काळ संपत नसतो, याचे भान सत्ताधाऱ्यांना राहिलेले नाही.

धाराशिवची जनता आता कोरड्या आश्वासनांना आणि डिजिटल बैठकांच्या नाटकाला विटली आहे. सत्तेच्या राजकारणात जिल्ह्याला वाऱ्यावर सोडणाऱ्या या ‘पार्ट-टाईम’ कारभाऱ्यांनी एक गोष्ट लक्षात ठेवावी—दुष्काळात होरपळणाऱ्या बळीराजाचा आक्रोश जेव्हा रस्त्यावर उतरेल, तेव्हा मंत्र्यांचे हे हायटेक मुखवटे गळून पडल्याशिवाय राहणार नाहीत. पालकमंत्र्यांनी तातडीने जिल्ह्यात तळ ठोकून दुष्काळ जाहीर करावा आणि उपाययोजना राबवाव्यात; अन्यथा केवळ झेंडे फडकवण्यासाठी जिल्ह्याचे पालकत्व मिरवण्याचा त्यांना कोणताही नैतिक अधिकार उरत नाही.

  • सुनील ढेपे, संपादक, धाराशिव लाइव्ह 
Previous Post

तामलवाडी : १४ वर्षीय अल्पवयीन मुलाचे हातपाय बांधून शेतात लैंगिक अत्याचार

Next Post

सोनेगाव : “धाराशिवला जाऊन येतो” म्हणून गेलेला २६ वर्षीय वेल्डर तरुण बेपत्ता; अज्ञाताने अपहरण केल्याचा संशय

Next Post
ओळख लपवून तरुणीवर तीन वर्षे वारंवार लैंगिक अत्याचार; छायाचित्रे व्हायरल करण्याची धमकी देऊन सक्तीने विवाह

सोनेगाव : "धाराशिवला जाऊन येतो" म्हणून गेलेला २६ वर्षीय वेल्डर तरुण बेपत्ता; अज्ञाताने अपहरण केल्याचा संशय

ताज्या बातम्या

धाराशिव जिल्ह्यात भीषण कोरडा दुष्काळ; हक्काच्या पीक विम्याचे कोट्यवधी रुपये अडकल्याने बळीराजा संकटात

धाराशिवचा भीषण कोरडा दुष्काळ: १९७२ पेक्षाही कठीण आव्हान

November 19, 2026
तुळजापुरात दर्शनाला जाणाऱ्या महिलेला लुटले; ८१ हजारांचे दागिने लंपास

धाराशिव : बंद घराचे कुलूप तोडून ७२ हजारांचे सोन्या-चांदीचे दागिने लंपास

November 18, 2026
तुळजापुरात दर्शनाला जाणाऱ्या महिलेला लुटले; ८१ हजारांचे दागिने लंपास

तुळजापूर : तुळजाभवानी मंदिर महाद्वाराजवळ भाविक महिलेच्या हातातील ७० हजारांची सोन्याची पाटली कापून लंपास

November 18, 2026
वाशी शहरात ठाकरे गट आणि भाजप कार्यकर्त्यांत तुंबळ हाणामारी; चार जण गंभीर जखमी

परंडा : आर्थिक व्यवहाराच्या वादातून तरुणावर लोखंडी रॉडने प्राणघातक हल्ला

November 18, 2026
वाशी शहरात ठाकरे गट आणि भाजप कार्यकर्त्यांत तुंबळ हाणामारी; चार जण गंभीर जखमी

उमरगा : हिप्परगाराव येथे ६५ वर्षीय वृद्धास हातातील कड्याने व लाथाबुक्क्यांनी बेदम मारहाण

November 18, 2026

Recent Posts

  • धाराशिवचा भीषण कोरडा दुष्काळ: १९७२ पेक्षाही कठीण आव्हान
  • धाराशिव : बंद घराचे कुलूप तोडून ७२ हजारांचे सोन्या-चांदीचे दागिने लंपास
  • तुळजापूर : तुळजाभवानी मंदिर महाद्वाराजवळ भाविक महिलेच्या हातातील ७० हजारांची सोन्याची पाटली कापून लंपास
  • परंडा : आर्थिक व्यवहाराच्या वादातून तरुणावर लोखंडी रॉडने प्राणघातक हल्ला
  • उमरगा : हिप्परगाराव येथे ६५ वर्षीय वृद्धास हातातील कड्याने व लाथाबुक्क्यांनी बेदम मारहाण
Dharashivlive

© 2023 Dharashiv Live - Design By Codenetz .

Navigate Site

  • Home
  • Contact Us
  • About Us
  • Privacy Policy

Follow Us

No Result
View All Result
  • मुख्य बातमी
  • ताज्या बातम्या
  • विशेष बातम्या
  • धाराशिव शहर
  • धाराशिव जिल्हा
  • मराठवाड़ा
  • महाराष्ट्र
  • देश -विदेश
  • अन्य
    • झलक
    • ब्लॉग
    • मुक्तरंग
    • सडेतोड
    • ऐकावे ते नवल
    • करमणूक
    • क्राईम
    • क्रीडा
    • गोफणगुंडा
    • राजकारण
    • ई पेपर
    • शेती – शेतकरी

© 2023 Dharashiv Live - Design By Codenetz .

error: Content is protected !!