नळदुर्ग येथे एका भीषण ट्रॅव्हल्स अपघातात अक्षय कांबळे (वय २७) या कर्नाटक येथील प्रवाशाचा मृत्यू झाला. या घटनेनंतर ट्रॅव्हल्स चालकाविरुद्ध गुन्हा दाखल करण्यात आला आहे.
२९ फेब्रुवारी २०२४ रोजी अक्षय कांबळे हे मुंबई ते बंगळूर असा प्रवास करत होते. सोलापूर ते हैद्राबाद दरम्यान इटकळ शिवारात ट्रॅव्हल्स चालकाने हयगयी व निष्काळजीपणे वाहन चालवल्यामुळे हा अपघात झाला. स्पीड ब्रेकरवरून वेगात ट्रॅव्हल्स नेल्याने अक्षय खिडकीतून बाहेर पडले आणि गंभीर जखमी होऊन त्यांचा मृत्यू झाला.
अक्षय यांचे वडील चंद्रशा कांबळे यांनी दिलेल्या फिर्यादीनुसार नळदुर्ग पोलीस ठाण्यात चालकाविरुद्ध भादंवि कलम २७९, ३०४(अ) सह मोटार वाहन कायदा कलम १८४ अन्वये गुन्हा नोंदवण्यात आला आहे.
