उमरगा – व्हंताळ येथे मागील भांडणाच्या कारणावरून दोन गटात मारामारी झाली. यात नवनाथ वाघमोडे (वय ४०) नावाचा व्यक्ती गंभीर जखमी झाला आहे. याप्रकरणी ज्ञानेश्वर जाधव आणि भंवर जाधव यांच्या विरोधात उमरगा पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, नवनाथ वाघमोडे हे ३ जानेवारी २०२५ रोजी सायंकाळी व्हंताळ येथे असताना ज्ञानेश्वर जाधव आणि भंवर जाधव यांनी त्यांना शिवीगाळ केली आणि लाथाबुक्क्या व दगडाने मारहाण केली. या मारहाणीत वाघमोडे गंभीर जखमी झाले असून त्यांना जीवे ठार मारण्याची धमकी देखील देण्यात आली.
या घटनेनंतर नवनाथ वाघमोडे यांनी ९ फेब्रुवारी रोजी उमरगा पोलीस ठाण्यात तक्रार दाखल केली. पोलिसांनी दोघा आरोपींविरुद्ध भारतीय दंड संहिता कलम ११८ (२), ३५१ (२) आणि ३ (५) अन्वये गुन्हा दाखल केला आहे. या प्रकरणाचा अधिक तपास पोलीस करत आहेत.
