धाराशिव : धाराशिव तालुक्यातील पवारवाडी येथे पाणी देण्याच्या कारणावरून झालेल्या वादातून एका व्यक्तीस मारहाण करून जखमी केल्याची घटना घडली आहे. याप्रकरणी धाराशिव ग्रामीण पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, दि. 1 मार्च 2025 रोजी दुपारी 4 वाजताच्या सुमारास उपळा मार्गावर फिर्यादी भागवत बब्रुवान काळे (वय 65, रा. पवारवाडी, ता. धाराशिव) यांना रोहीत उर्फ मोन्या विश्वनाथ काळे (रा. पवारवाडी, ता. धाराशिव) याने पाणी देण्याच्या कारणावरून शिवीगाळ केली. तसेच लाथाबुक्क्यांनी आणि कुऱ्हाडीच्या दांड्याने मारहाण करून गंभीर जखमी केले. आरोपीने फिर्यादीला जिवे ठार मारण्याची धमकी दिली असल्याचे तक्रारीत नमूद आहे.
या प्रकरणी दि. 3 मार्च 2025 रोजी फिर्याद देण्यात आली असून, रफिक शेख यांच्या तक्रारीवरून धाराशिव ग्रामीण पोलीस ठाण्यात भारतीय दंड संहितेच्या कलम 118(1), 115(2), 352, 351(2), 351(3), 324(4)(5) अन्वये गुन्हा दाखल करण्यात आला आहे. पुढील तपास पोलीस करत आहेत.
