धाराशिव: एका २५ वर्षीय महिलेला डांबून ठेवून तिच्याकडून जबरदस्तीने वेश्या व्यवसाय करवून घेतल्याची व तिच्यावर लैंगिक अत्याचार केल्याची धक्कादायक घटना धाराशिव ग्रामीण पोलीस ठाण्याच्या हद्दीत उघडकीस आली आहे. याप्रकरणी पीडितेने दिलेल्या फिर्यादीवरून ९ महिला व पुरुष आरोपींविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, संबंधित पीडित महिला २५ वर्षांची असून, तिला २०२२पासून३ फेब्रुवारी २०२६ या कालावधीत एका गावातील 9 महिला व पुरुष यांनी संगनमत करून डांबून ठेवले होते. आरोपींनी या महिलेला अनैतिक व्यवसाय करण्यास भाग पाडले आणि ग्राहकांकडून पैसे घेऊन तिच्या जीवावर हा व्यवसाय चालवला.
या कालावधीत, दोन तरुणांनी पीडितेच्या इच्छेविरुद्ध तिच्यावर वारंवार लैंगिक अत्याचार केल्याचेही फिर्यादीत म्हटले आहे. या छळाला कंटाळून पीडितेने १२ फेब्रुवारी २०२६ रोजी पोलिसांत धाव घेतली.
याप्रकरणी धाराशिव ग्रामीण पोलीस ठाण्यात ९ जणांविरुद्ध भारतीय न्याय संहिता (BNS) कलम ६४(२)(एम), ११५(२), ३५१(३), ३(५) तसेच अनैतिक व्यापार प्रतिबंध कायदा (PITA) कलम ४, ५ आणि ६ अन्वये गुन्हा नोंदवण्यात आला आहे. पोलीस या प्रकरणाचा अधिक तपास करत आहेत.
महत्वाचे मुद्दे:
-
गुन्हा घडल्याचा कालावधी: २०२२ ते ०३.०२.२०२६
-
फिर्याद दाखल दिनांक: १२.०२.२०२६
-
आरोपी: ९ जण (महिला व पुरुष)
-
पोलीस ठाणे: धाराशिव ग्रामीण
