धाराशिव : खानापूर गावात काढण्यात आलेल्या डॉ. बाबासाहेब आंबेडकर जयंती मिरवणुकीत पोलिसांच्या आदेशाचे उल्लंघन करून कर्णकर्कश आवाजात डॉल्बी (डीजे) साऊंड सिस्टीम वाजवणे एकाच्या अंगलट आले आहे. याप्रकरणी धाराशिव शहर पोलीस ठाण्यात एकावर गुन्हा दाखल करण्यात आला आहे.
कुंडलिक आबाजी सानप (वय २५, रा. रामेश्वर, ता. भूम, जि. धाराशिव) असे गुन्हा दाखल झालेल्या संशयित आरोपीचे नाव आहे.
पोलिसांनी दिलेल्या माहितीनुसार, शनिवार, २५ एप्रिल २०२६ रोजी सायंकाळी ७ ते रात्री १० वाजेच्या सुमारास खानापूर गावात डॉ. बाबासाहेब आंबेडकर जयंतीनिमित्त मिरवणूक काढण्यात आली होती. या मिरवणुकीत वाद्ये पारंपरिक पद्धतीने किंवा पोलिसांनी दिलेल्या सूचनेनुसार वाजवणे बंधनकारक होते. मात्र, मालक आणि आयोजकांनी या आदेशाला केराची टोपली दाखवत एका वाहनावर (टॉप व बस) डॉल्बी डीजे साऊंड सिस्टीम लावली. या सिस्टीमचा आवाज विहित ध्वनी तीव्रतेपेक्षा खूप जास्त आणि नागरिकांना त्रासदायक ठरेल असा कर्णकर्कश ठेवून पोलिसांच्या आदेशाचे थेट उल्लंघन केले.
या प्रकाराची गंभीर दखल घेत पोलिसांनी कारवाईचा बडगा उगारला आहे. याप्रकरणी धाराशिव शहर पोलिसांत कुंडलिक सानप याच्याविरुद्ध भा.द.वि.सं. कलम २२३ अन्वये गुन्हा नोंदविण्यात आला आहे.
ठळक मुद्दे:
-
घटनास्थळ: खानापूर गाव
-
घटनेचे कारण: मिरवणुकीत कर्णकर्कश आवाजात व मर्यादेपेक्षा जास्त ध्वनी तीव्रतेत डॉल्बी (डीजे) वाजवणे.
-
गुन्हा दाखल: धाराशिव शहर पोलीस ठाण्यात एकावर भा.द.वि.सं. कलम २२३ अन्वये गुन्हा.
