🚦 शक्तीपीठ महामार्ग : आमदारचा ड्रीम, शेतकऱ्यांचा स्क्रिम!🚦

धाराशिव : मुख्यमंत्री देवेंद्र फडणवीस यांचा ड्रीम प्रोजेक्ट – नागपूर-गोवा शक्तीपीठ महामार्ग 🚗💨! तब्बल ८०२ किलोमीटर चा हा महामार्ग ८६ हजार कोटी रुपये खर्च करून ११ जिल्ह्यांमधून जाणार. धाराशिव जिल्हाही या प्रवासात सामील! पण या महामार्गाच्या प्रवासात राजकीय ‘स्पीड ब्रेकर’ आणि शेतकऱ्यांचा ‘ब्रेकडाउन’ दिसतोय.

आमदारांचे ‘टी-पाईंट’ प्लानिंग!

सुरुवातीला हा महामार्ग वडगाव गावाजवळून जाणार होता. पण अचानक ‘रूट डायव्हर्ट’ झाला! कारण काय? अहो, सत्ताधारी आमदार साहेबांची ‘महान योजना’! त्यांच्या कॉलेजच्या अगदी समोरूनच महामार्ग नेण्यात येतोय. याचा फायदा? कॉलेजसमोर टी-पॉइंट 🚦, मॉल 🏢, आणि अर्थातच धंद्याचा जंगी फायदा! “महामार्ग आला म्हणजे पैसे आले, मग कोण विरोध करणार?” असा फंडा!

गावसूदच्या शेतकऱ्यांना ‘दानशूर’ बनवले, पण सत्य समजताच संताप!

गावसूद गावातील शेतकऱ्यांनी एक हजार रुपये एकर ने आमदाराच्या कॉलेजसाठी जमिनी दान केल्या होत्या. त्यावेळी सांगण्यात आलं होतं की, हे शिक्षणाचं मंदिर उभं करण्यासाठी आहे, समाजाचा विकास होणार आहे! शेतकऱ्यांनीही मोठ्या मनाने जमिनी दिल्या.

पण आता त्यांना धक्का बसलाय! कारण त्याच दान केलेल्या जमिनीतूनच शक्तीपीठ महामार्ग जातोय आणि आमदार मालामाल होतोय! 🤯 आधीच जमिनी दिल्या, आता त्याच जमिनीतून गाड्या धावणार, आणि आमदाराच्या कॉलेजसमोर टी-पॉइंट 🚦, मॉल 🏢, बिझनेस हब 🚀 तयार होणार! म्हणजे दानही गेले आणि विकासाचा वाटाही गेली!

पक्ष बदलला, पण सवय बदलली नाही!

ही किमया साधणारे आमदार पूर्वी एका पक्षात होते, पण जनतेचा नव्हे, स्वतःचा विकास करण्यासाठी पक्ष बदलला. पक्ष बदलला, पण सवय तीच – सत्तेचा फायदा स्वतःसाठीच!

हा महामार्ग आमदाराच्या ‘हट्टाहासाचा’ परिणाम?

हेच पाहून लोक आता म्हणू लागलेत – “हा महामार्ग नागपूर-गोवा जोडण्यासाठी की आमदारांच्या प्रॉपर्टीला सोन्याचं अंड देणारा हायवे बनवण्यासाठी?” 🚜

मुख्यमंत्री म्हणतात, “आमदारांचा विरोध नाही, ते स्वतःच लाभार्थी असतील तर विरोध कशाला करणार?” 🤷

शेतकरी आता कोर्टात जाणार!

आपली फसवणूक झाल्याची जाणीव झाल्यावर गावसूदचे शेतकरी आता “आम्ही जमिनी दान केल्या, पण आता परत मिळवण्यासाठी कोर्टात जाणार!” असं ठणकावून सांगत आहेत.

महामार्ग होणारच! पण कोण होणार ‘मालामाल’?

हा महामार्ग नागपूर ते गोवा जोडणार की आमदार आणि त्याच्या व्यवसायाचा रस्ता ‘सोनेरी’ करणार? हे आता पहावं लागेल. 🚦💰

जनतेचा सवाल – हा शक्तीपीठ महामार्ग श्री तुळजाभवानी तीर्थक्षेत्र जोडण्यासाठी आहे की , आमदाराचे विद्यापीठ जोडण्यासाठी आहे ?

हेही वाचा

महामार्गाच्या नावाखाली लोकशाहीचा फसवा ‘शॉर्टकट’!