नळदुर्ग : पोलीस असल्याची बतावणी करुन तोतयागिरी करणाऱ्या सोलापूरच्या दोन भामट्याना नळदुर्ग पोलिसांनी अटक करून गुन्हा दाखल करण्यात आला आहे.
आरोपी नामे-जुनेद हबीबोकद्दीन चंदा, रा. सोलापूर, मुनिर रियाज रंगरेज रा. कुंभारी ता. दक्षिण सोलापूर जि. सोलापूर यांनी दि. 12.06.2024 रोजी 04.30 वा. सु. नळदुर्ग शिवारातील शेत गट नं 59/2 येथे फिर्यादी नामे- रहीम इस्माईल सय्यद, वय 54 वर्षे, र. अक्कलकोट रोड नळदुर्ग ता. तुळजापूर जि. धाराशिव यांना नमुद आरोपींनी आम्ही पोलीस आहे असे खोटे सांगून तुझ्या भाच्याने मुनिर रंगरेज यांच्या भाचीला सोलापूर मध्ये रमजान महिन्यात छेडछाड केल्याचा गुन्हा दाखल आहे असे खोटे बोलून गुन्हा मिटवून घेणेसाठी 50,000₹ ची मागणी केली. व ते नाही दिल्यास फिर्यादीचा भाच्चा नवाज सय्यद यास घेवून जाण्याची धमकी दिली. अशा मजकुराच्या फिर्यादी नामे- रहीम सय्यद यांनी दि. 12.06.2024 रोजी दिलेल्या प्रथम खबरेवरुन नळदुर्ग पो ठाणे येथे भा.द.वि.सं. कलम 385, 170, 34 अन्वये गुन्हा नोंदवला आहे.
हाणामारीचे दोन गुन्हे दाखल
येरमाळा : आरोपी नामे-पांडुरंग चंद्रसेन माने, अनिता पांडुरंग माने दोघे रा शिंगोली ता. कळंब जि. धाराशिव, दत्तात्रय धर्मराज बाराते, रा. बारातेवाडी ता. कळंब जि. धाराशिव यांनी दि.09.6.2024 रोजी 10.30 वा. सु. शिंगोली येथे शेतात फिर्यादी नामे-बालाजी चंद्रसेन माने, वय 44 वर्षे, रा. शिंगोली ता. कळंब जि. धाराशिव यांना नमुद आरोपींनी मागील भांडणाचे कारणावरुन शिवीगाळ करुन लाथाबुक्यांनी, कुऱ्हाड, लोखंडी गजाने मारहाण करुन जखमी केले. व जिवे ठार मारण्याची धमकी दिली. अशा मजकुराच्या फिर्यादी नामे- बालाजी माने यांनी दि. 12.06.2024 रोजी दिलेल्या प्रथम खबरेवरुन येरमाळा पो ठाणे येथे भा.द.वि.सं. कलम 324, 323, 504, 506, 34 अन्वये गुन्हा नोंदवला आहे.
तुळजापूर : आरोपी नामे-गणेश नागनाथ सगट, रा. तिर्थ बु. ता. तुळजापूर जि. धाराशिव यांनी दि. 12.06.2024 रोजी 19.00 वा. सु. तिर्थ बु येथे फिर्यादी नामे- विकास विलास कांबळे, वय 40 वर्षे, रा. तिर्थ बु ता. तुळजापूर जि. धाराशिव यांचे आई यांना हा शिवीगाळ करत असताना फिर्यादी हे आरोपीस विचारण्यास गेले असता नमुद आरोपीने शिवीगाळ करुन बतईने व दगडाने हातावर मारहाण करुन जखमी केले. अशा मजकुराच्या फिर्यादी नामे- विकास कांबळे यांनी दि. 12.06.2024 रोजी दिलेल्या प्रथम खबरेवरुन तुळजापूर पो ठाणे येथे भा.द.वि.सं. कलम 324, 323, 504, 506 अन्वये गुन्हा नोंदवला आहे.
