परंडा – तालुक्यातील शेतकऱ्याचे ज्वारी कडबा, बोअरिंग केबल वायर, स्टार्टर मशीन आणि कांद्याचे बियाणे जाळल्याने सुमारे ३५ हजार ५०० रुपयांचे नुकसान झाले आहे. नवाज हसन पठाण (रा. समतानगर, परंडा) याने १७ फेब्रुवारी २०२५ रोजी दुपारी ३ वाजता ही आग लावली.
नुरु निजाम मुजावर शेख (वय ६१, रा. मुजावर गल्ली, परंडा) यांचे सोनारी रोडवरील शेत गट नंबर २४१ मध्ये पत्राचे शेड आहे. या शेडमध्ये त्यांनी ज्वारी कडबा, बोअरिंग केबल वायर, ५० मीटर रस्सी, स्टार्टर मशीन व कांद्याचे बियाणे ठेवले होते. पठाण याने अज्ञात कारणावरून या साहित्याला आग लावली.
आगीत सर्व साहित्य जळून खाक झाले. शेख यांनी पठाण यांच्याविरुद्ध परंडा पोलीस ठाण्यात तक्रार दाखल केली आहे. पोलिसांनी पठाण यांच्याविरुद्ध गुन्हा दाखल केला असून, पुढील तपास सुरू आहे.
“तुम्ही पुण्याला कसे जाता हेच बघतो” अशी धमकी
पठाण याने शेख यांना “तुम्ही पुण्याला कसे जाता हेच बघतो” अशी धमकी दिली होती, अशी माहिती मिळाली आहे. या धमकीचा आणि आग लावण्याच्या घटनेचा संबंध आहे का, याचा तपास पोलीस करत आहेत.
