धाराशिव: शहरातील जुना उपळा रोडवर एका महिलेची गळ्यातील सोनसाखळी चोरण्याची धक्कादायक घटना घडली आहे. अश्विनी रामेश्वर उबरहंडे (वय २६, रा. दुधा, ता. जि. बुलढाणा, ह.मु. लिटल स्टार शाळेच्या जवळ उपळा रोड दत्तात्रय टेकाळे यांच्या घरी ता. जि. धाराशिव) या २७ ऑक्टोबर रोजी संध्याकाळी सुमारे ७.३० वाजता डि मार्टमधून खरेदी करून स्कुटीवरून घरी परतत होत्या. त्यावेळी त्यांच्या मागून आलेल्या एका अनोळखी इसमाने त्यांच्या गळ्यातील १५ ग्रॅम वजनाची सोनसाखळी हिसकावून पळ काढला.
घटनास्थळी एकच खळबळ उडाली. अश्विनी उबरहंडे यांनी तात्काळ आरडाओरड करत मदतीसाठी धाव घेतली, परंतु तोपर्यंत चोरटा पळून जाण्यात यशस्वी झाला. या घटनेमुळे परिसरात भीतीचे वातावरण पसरले आहे.
अश्विनी उबरहंडे यांनी दुसऱ्या दिवशी २८ ऑक्टोबर रोजी आनंदनगर पोलीस ठाण्यात या घटनेची तक्रार दाखल केली. पोलिसांनी भारतीय दंड संहिता कलम ३९४ (२) अन्वये गुन्हा दाखल करून तपास सुरू केला आहे.
पोलिसांनी घटनास्थळाची पाहणी केली असून परिसरातील सीसीटीव्ही फुटेज तपासत आहेत. चोरट्याला अटक करण्यासाठी पोलिसांनी वेगवेगळ्या पथकांची स्थापना केली आहे.दरम्यान, या घटनेमुळे महिलांमध्ये भीतीचे वातावरण पसरले असून पोलिसांनी रात्रीच्या वेळी गस्त वाढवण्याची मागणी केली जात आहे.
