येरमाळा येथे विवाहितेचा मृत्यू

येरमाळा : वडगाव येथील बालीका उर्फ पिंकी राहुल काळे (वय 30) या विवाहितेचा करंट लागून मृत्यू झाल्याची घटना घडली आहे. या प्रकरणी मयत बालीका हिच्या आईने सासरच्यांविरुद्ध तिच्यावर सतत शारीरिक व मानसिक छळ केल्याचा आरोप करून तक्रार दाखल केली आहे. या तक्रारीवरून येरमाळा पोलीस ठाण्यात पती सुरेश मंतु पवार, सासू ताराबाई दत्ता पवार आणि दीर आप्पा दत्ता पवार यांच्याविरुद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे.

पोलीसांनी दिलेल्या माहितीनुसार, मयत बालीका हिच्या आई निर्मला नवनाथ शिंदे यांनी दिलेल्या तक्रारीत म्हटले आहे की, 2021 पासून सासरचे लोक बालीका हिच्यावर सतत छळ करत होते. तिला घरातील कामे का करत नाहीस आणि सतत माहेरी का जातेस या कारणावरून मारहाण करत शिवीगाळ करत होते. या शारीरिक व मानसिक त्रासाला कंटाळून बालीका 17 ऑगस्ट 2024 रोजी घरातून निघून गेली होती. त्यानंतर फॉरेस्ट दौलत सटवा वाघमारे यांच्या शेतात तिला करंट लागल्याने तिचा मृत्यू झाला.

या घटनेनंतर येरमाळा पोलिसांनी भादंवि कलम 306, 498(अ), 323, 504, 34 अन्वये गुन्हा दाखल करून पुढील तपास सुरू केला आहे.