धाराशिव: धाराशिव तालुक्यातील रुई (ढोकी) शिवारात असलेल्या रेल्वे फाटकाजवळ एका अज्ञात तरुणीचा जाळून निर्घृण खून करण्यात आल्याची धक्कादायक घटना उघडकीस आली आहे. आरोपींनी पुरावा नष्ट करण्यासाठी मृतदेह इतका भयानक जाळला आहे की, मृतदेहाचा अक्षरशः कोळसा झाला आहे.
आज (गुरुवारी) सकाळी रुई (ढोकी) येथील रेल्वे फाटकाच्या जवळ एका तरुणीचा मृतदेह जळालेल्या अवस्थेत काही नागरिकांना दिसून आला. त्यांनी तात्काळ याची माहिती पोलिसांना दिली. घटनास्थळाचे दृश्य अत्यंत विदारक असून, तरुणीला जाळून तिचा कोळसा करण्यात आला आहे.
पोलीस घटनास्थळी दाखल:
घटनेची माहिती मिळताच ढोकी पोलीस ठाण्याचे सहाय्यक पोलीस निरीक्षक हजारे आणि त्यांचे पोलीस पथक तातडीने घटनास्थळी दाखल झाले आहे. पोलिसांनी घटनास्थळाचा ताबा घेतला असून पंचनामा करण्याची प्रक्रिया सुरू आहे.
मृतदेह पूर्णपणे जळून त्याचा कोळसा झाल्यामुळे मयत तरुणीची ओळख पटवणे पोलिसांसाठी मोठे आव्हान ठरले आहे. मृत तरुणीचे नाव काय आहे आणि ती कोणत्या गावची रहिवासी आहे, याचा शोध ढोकी पोलीस युद्धपातळीवर घेत आहेत.
ठळक मुद्दे:
-
घटनास्थळ: रुई (ढोकी) रेल्वे फाटकाजवळ, ता. धाराशिव.
-
विदारक वास्तव: तरुणीचा जाळून खून, मृतदेहाचा झाला कोळसा.
-
पोलीस कारवाई: ढोकी पोलीस आणि एपीआय हजारे घटनास्थळी दाखल.
-
सद्यस्थिती: मयत तरुणीची ओळख पटवण्याचे पोलिसांसमोर आव्हान.
या घटनेमुळे परिसरात एकच खळबळ उडाली असून, पोलीस आरोपींचा शोध घेत आहेत.
Video
