धाराशिव – दारू पिण्यासाठी पैसे मागितल्याच्या कारणावरून १८ वर्षीय तरुणाला शिवीगाळ करत लाथाबुक्क्यांनी आणि टॉमीने गंभीर मारहाण केल्याची घटना धाराशिव शहरात घडली आहे. याप्रकरणी आनंदनगर पोलीस ठाण्यात तिघांविरुद्ध गुन्हा नोंदवण्यात आला आहे.
मिळालेल्या माहितीनुसार, फिर्यादी अभिषेक बालाजी तुळजापूरे (वय १८ वर्षे, रा. भानसगाव पोस्ट सोनेगाव ता. जि. धाराशिव) याने दिलेल्या तक्रारीनुसार, ही घटना २६ फेब्रुवारी २०२५ रोजी सायंकाळी ७ वाजण्याच्या सुमारास धाराशिव येथील बार्शी नाक्याजवळील मातोश्री हॉटेलच्या पाठीमागे घडली.
आरोपी अनिकेत महादेव दुधे, कल्याण इंद्रजित कदम आणि अमोल सुधाकर तुळजापूरे (सर्व रा. जि. धाराशिव) यांनी फिर्यादी अभिषेक याच्याकडे दारू पिण्यासाठी पैशांची मागणी केली. या कारणावरून आरोपींनी अभिषेकला शिवीगाळ करत लाथाबुक्क्यांनी आणि टॉमीने मारहाण करून गंभीर जखमी केले.
या घटनेनंतर फिर्यादी अभिषेक तुळजापूरे याने २४ एप्रिल २०२५ रोजी आनंदनगर पोलीस ठाण्यात तक्रार दाखल केली. या तक्रारीवरून पोलिसांनी आरोपींविरुद्ध भारतीय न्याय संहिता कलम ११८(२), ११५(२), ३५२, ३(५) अन्वये गुन्हा नोंदवला आहे. पोलीस पुढील तपास करत आहेत.
